Ulwimbo lwa Nyimbo 2:1-17
2 “Ine ndi luba lya ntongola ilya mu nika ya Sharoni,Iluba lya mu mipokapoka.”+
2 “Filya fyaba iluba lya mu mpanga pali ficilasaE fyaba no mutemwikwa wandi pa bana banakashi.”
3 “Nga filya fine icimuti ca muapele caba pa fimuti fya mu mpanga,E fyo no mutemwikwa wandi aba pa bana baume.
Ndafwaisha ukulaikala mu cintelelwe cakwe,Kabili ndaipakisha ifisabo fyakwe ifyalowa.
4 Anyingishe mu ng’anda ya maliila,*Kabili bonse balimwene ukuti nine atemenwe.
5 Mpeeleni keke ya myangashi iyauma+ pa kuti nsekelele,Mpeeleni amaapele pa kuti nkose,Pantu nindwala icitemwiko.
6 Ninshintilisha umutwe pa kuboko kwakwe ukwa ku kuso,Kabili nankumbatila no kuboko kwakwe ukwa ku kulyo.+
7 Mwe bana banakashi ba mu Yerusalemu, ndemweba nati lapeniPa mpombo+ atemwa pa nsebula ishikota isha mu mpanga:
Tekwesha ukubuusha nangu ukubalamuna icitemwiko muli ine cikasuke cikaishile icine.+
8 Lishiwi lya mutemwikwa wandi!
Moneni! Uyo aleisa,Aleninika impili, alekumpauka pa tupili.
9 Umutemwikwa wandi aba nge mpombo nangu umwana wa nsebula.+
Uyo eminine ku numa ya cibumba cesu,Alelengela pa mawindo,Alelengelela mu tupunda twa mawindo.
10 Umutemwikwa wandi anjeba ati:
‘Ima, we mutemwikwa wandi,We wayemba wandi, natuleya.
11 Mona! Amainsa nayapita,
Imfula naipwa.
12 Amaluba nayabalula mu calo,+Inshita ya kutungwilamo imyangashi naifika,+Kabili ukulila kwa cipele kwaumfwika mu calo cesu.+
13 Icimuti ca mukunyu nacilenga amakunyu ya kubalilapo yapya;+Ifimuti fya myangashi nafibalula kabili nafifumya icena icisuma.
Ima we mutemwikwa wandi kabili isa.
We wayemba wandi, natuleya.
14 We nkunda yandi, iyabelama mu cilibwe icitali,+Iyabelama mu kati sana aka cilibwe,Ndefwaya ukukumona no kumfwa ishiwi lyobe,+Pantu ishiwi lyobe lisuma kabili ulamoneka bwino.’”+
15 “Twikatileni bamumbwe,Abana ba bamumbwe abonaula imyangashi,Pantu imyangashi yesu naibalula.”
16 “Umutemwikwa wandi, wandi na ine ndi wakwe.+
Alecema impaanga+ mu maluba ya mu mpanga.+
17 Ilyo umwela uwatalala ushilapepelesha* ne finshingwa fishilabutuka,Endesha ukubwela, we mutemwikwa wandi,Ube nge mpombo+ nelyo ngo mwana wa nsebula+ apalekanina impili.*
Amafutunoti
^ Mu ciHebere, “mu ng’anda ya mwangashi.”
^ Mu ciHebere, “ubushiku bwapema.”
^ Nelyo “impili sha Beta.” Ishiwi lya kuti “Beta” talyaishibikwa umo lyalola.
