Ulwimbo lwa Nyimbo 3:1-11
3 “Ilyo naleele pa busanshi bwandi ubushiku,Nalefwaya uo natemwa.*+
Nalimufwaile, lelo nshamusangile.+
2 Nkema fye nkaye mu kumufwayafwaya mu musumba;Mu misebo na mu mansaNkayefwaya uo natemwa.*
Nalimufwaile, lelo nshamusangile.
3 Abalelonda umusumba balinsangile,+
Nabepwishe nati, ‘Bushe namumonako uo natemwa?’*
4 Awe cilya nafuma fye apo bansangileE lyo nasangile uo natemwa.*
Nalimwikete, kabili nshamulekele aya,Nasukile namuleta mu ng’anda ya kwa mayo+Mu muputule wa mu kati uwa wanjimite.
5 Mwe bana banakashi ba mu Yerusalemu, ndemweba nati lapeniPa mpombo atemwa pa nsebula ishikota isha mu mpanga:
Tekwesha ukubuusha nangu ukubalamuna icitemwiko muli ine cikasuke cikaishile icine.”+
6 “Cinshi ici icilefuma mu matololo nge ntumba ya cushi,Ico basansako muri* no bubani bwabuutaNe fya buunga buunga fyonse ifyanunkila bwino ifya kwa shimakwebo?”+
7 “Mona! Macila* ya kwa Solomone.
Impalume 60 bonse nabayashinguluka,Abaume ba maka aba mu bena Israele,+
8 Cila muntu ali no lupanga,Bonse balisambilila ifya kulwa inkondo,Cila muntu ali no lupanga lwakwe mu musanaPa kuicingilila ku balwani ubushiku.”
9 “Macila* ayo Imfumu SolomoneYaipangiile ne fimuti fya ku Lebanone.+
10 Amolu ya macila ayo yapangile yali ya silfere,Apa kushintilila pali apa golde.
Apa kwikala pali apakashikila,Mu kati ka macila mwaliyemfiwe bwinoAbana banakashi ba mu Yerusalemu e bayemfeshemo.”
11 “Mwe bana banakashi ba mu Sione fumeni,Mumone Imfumu SolomoneNaifwala icisote ca bwinga* ico nyina+ aipangiilePa bushiku bwa bwinga bwaikoPa bushiku umutima waiko wasekelele.”
Amafutunoti
^ Nelyo “umweo wandi watemwa.”
^ Nelyo “umweo wandi watemwa.”
^ Nelyo “umweo wandi watemwa.”
^ Nelyo “umweo wandi watemwa.”
^ Muri, mafuta ayanunkila bwino ayo balefumya ku finyamuti fya fimuti fimo.
^ E kutila, ico balesendelapo imfumu nelyo umuntu uwacindama.
^ E kutila, ico balesendelapo imfumu nelyo umuntu uwacindama.
^ Ici nalimo cali cisote icapangilwe na maluba nelyo amabuula.
