Ulwimbo lwa Nyimbo 4:1-16
4 “Ala kwena waliyemba! We mutemwikwa wandi.
Ala kwena waliyemba!
Amenso yobe yaba nga ya nkunda, mu cifimbo cobe.
Umushishi obe waba ngo mukuni wa mbushiIshilelongoloka mu mpili sha Gileadi.+
2 Ameno yobe yaba ngo mukuni wa mpaanga isho bafuma mu kubeyaIsho bafuma mu kusambika,Shonse fye nashikwata bampundu,Kabili tapali nangu imo iyo umwana afwa.
3 Imilomo yobe yaba ngo bushishi ubwakashika ce,Ne milandile yobe isuma.
Amatobo* yobe mu cifimboYali nge fipandwa fya mupomegranate.
4 Umukoshi obe+ waba ngo lupungu lwa kwa Davidi,+Ulwakuulwa bwino na mabwe,Ulo bakobekako inkwela 1,000,Shonse ni nkwela sha baume ba maka.+
5 Amabele yobe yaba nga bana babili,Bampundu ba mpombo+ iilelyaMu maluba ya mu mpanga.”
6 “Ilyo umwela watalala ushilapeepelesha* ne finshingwa fishilabutuka,Ndeya ku lupili lwa muri*Na ku kapili ka bubani bwabuuta.”+
7 “Waliyemba muli fyonse, we mutemwikwa wandi,+Tamwaba akalema muli iwe.
8 Tuleya tufume mu Lebanone, we nabwinga wandi,Natufume mu Lebanone.+
Tentemuka pa muulu wa Amana,Fuma pa muulu wa Seniri na pa muulu wa Hermone,+Fuma umwikala inkalamo, fuma mu mpili umwikala imbwili.
9 Wankubula umutima,+ we nkashi yandi, we nabwinga wandi,Wankubula umutima pa kundolesha fye umuku umo,Pa kumona fye ulubali lwa kaceni kobe aka mu mukoshi.
10 Ifyo cawama icitemwiko cobe,+ we nkashi yandi, we nabwinga wandi!
Icitemwiko cobe caliwama sana ukucila umwangashi,+Kabili ukununkila kwa mafuta yobe kwalicila ifyanunkila fyonse!+
11 Imilomo yobe, we nabwinga wandi itonya uluto lwa buci.+
Ubuci no mukaka fyaba mwi samba lya lulimi lobe,+Kabili ukununkila kwa fya kufwala fyobe kwaba ngo kununkila kwa mutengo wa Lebanone.
12 Nkashi yandi, nabwinga wandi, aba nge bala ilyapindililwa,Libala ilyapindililwa, kamfukumfuku akacingililwa.
13 Waba nge fimuti fya mwi bala ifyatwala amapomegranate ayengi,Umwaba ifisabo ifyawamisha, ne fimenwa fya henna na nardi,
14 Nardi+ ne luba lya ntongola, iciloolo*+ na kinamone,+Ne misango yonse iya fimuti fya bubani bwabuuta, muri* ne cikulankonde,+Pamo na mafuta yonse ayanunkila nga nshi.+
15 Uli kamfukumfuku akatapilila ibala, icishima ca menshi ayalengama,Kabili utumilonga utwafuma ku Lebanone.+
16 Buuka, we mwela wa ku kapinda ka ku kuso;Isa we mwela wa ku kapinda ka ku kulyo.
Peepelesha pe bala lyandi.
Pa kuti icena icisuma icilimo cikumane ibala.”
“Kuti natemwa umutemwikwa wandi aingila mwi bala lyakweNo kulya ifisabo fya liko ifyawamisha.”
Amafutunoti
^ Nelyo “Insensematwi shobe mu cifimbo shili.”
^ Mu ciHebere, “ubushiku bwapeema.”
^ Muri, mafuta ayanunkila bwino ayo balefumya ku finyamuti fya fimuti fimo.
^ E kutila itete ilyanunkila.
^ Muri, mafuta ayanunkila bwino ayo balefumya ku finyamuti fya fimuti fimo.
