Ulwimbo lwa Nyimbo 6:1-13
6 “Bushe umutemwikwa obe ele kwi,We wayemba nga nshi pa banakashi bonse?
Ni kwi umutemwikwa obe acilola?
Natuleya bonse tuyemufwaya.”
2 “Umutemwikwa wandi ele kwi bala lyakwe,Ku mputa isho balimbamo ifilimwa ifinunkila bwino,Ku kucema impaanga shakwe mu mabala,Na ku kusaba amaluba.+
3 Ine ndi wa mutemwikwa wandi,No mutemwikwa wandi na o, wandi.+
Alecema impaanga shakwe mu maluba ya mu mpanga.”+
4 “We mutemwikwa wandi,+ wayemba ngo Musumba Uusuma,*+Wawama nga Yerusalemu,+Ulamoneka bwino nga filya abashilika abalongene ku kulwa inkondo bamoneka.+
5 Leka ukundolesha,+Pantu amenso yobe yankubula umutima.
Umushishi obe waba ngo mukuni wa mbushiIshiletentemuka ulupili lwa Gileadi.+
6 Ameno yobe yaba ngo mukuni wa mpaangaIsho bafuma mu kusambika,Shonse fye nashikwata bampundu,Kabili tapali nangu imo iyo umwana afwa.
7 Amasaya* yobe mu cifimboYali nge fipandwa fya mupomegranate.
8 Abakashi ba mfumu kuti baba 60,Na bakanakashi 80,Kabili abakashana kuti baba iminshipendwa.+
9 Lelo umo fye e nkunda yandi,+ uwabula akalema.
E mwana fye uo nyina akwata.
Uwamufyele alimutemwa nga nshi.
Abana banakashi bamumona, kabili bamutasha;Abakashi ba mfumu na bakanakashi bamumona, kabili bamulumbanya.
10 ‘Nani uyu mwanakashi uumoneka bwino nga macaca,Uwayemba ngo mweshi uwabulungana,Uwabengeshima nga kasuba,Uumoneka bwino nga filya abashilika abalongene ku kulwa inkondo bamoneka?’”+
11 “Naile kwi bala lya fimuti fya fitwalo fya nkusu,+Mu kumona intombo mu mupokapoka,*Mu kumona nga nafipuuka umwangashi,Nelyo nga nafibalula imipomegranate.
12 Apo nalefwaisha* ukumona ifi,Napulikilwe fyeNdi pa maceleta ya bantu bandi abacindama.”*
13 “Bwela, bwela, we mwina Shulamu!
Bwela, bwela,Uleke tukumonepo!”
“Cinshi ico mulelolekesesha umwina Shulamu?”+
“Aba kwati mabumba yabili aya balecinda!”
Amafutunoti
^ Nelyo “Tesa.”
^ Nelyo “Insensematwi shobe.”
^ Nelyo “mumana.”
^ Nelyo “umweo wandi walefwaisha.”
^ Nelyo “abaitemenwe abene.”
