Ulwimbo lwa Nyimbo 7:1-13
7 “Amakasa yobe yalamoneka bwino mu ndyato shobe,We mwana mwanakashi umukankaala!
Ukubulungana kwa ntungu shobe kwaba nge fibekobeko,Ifyo uwaishibisha ifya kupangapanga apanga.
2 Umutoto obe waba nge mbale yafonka iya bulungana.
Mwilabulwa umwangashi uusuma.
Ulufumo lobe mwina wa ngano,Uwashingulukwa na maluba.
3 Amabele yobe yaba nga bana babili,Bampundu ba mpombo.+
4 Umukoshi obe+ waba ngo lupungu lwa meno ya nsofu.+
Amenso yobe+ yaba nge fishiba fya mu Heshebone,+Pa mpongolo ya Bati-rabimu.
Umoona obe waba ngo lupungu lwa mu Lebanone,Ulwalungatana na Damaseke.
5 Umutwe obe wawama ngo lupili lwa Karmele,+Kabili umushishi*+ obe waba ngo bushishi ubwakashikila.+
Umushishi obe uutali naukubula* imfumu umutima.
6 Ala waliyemba, kabili waliwama,We mukashana wandi, walicila pa fya maliila fyonse!
7 Iciimo cobe caba nga akancindu,Na mabele yobe yaba nge fisansangu fya fitwalo fya tuncindu.+
8 Natile, ‘Ndenina akancindu,Pa kuti njikate iminkonti ya fitwalo fya kako.’
Amabele yobe nayabe nge fisansangu fya mwangashi,No mupu obe ununkile nga ma-apele,
9 Kabili akanwa kobe kabe ngo mwangashi uwawamisha.”
“Naupite bwino pa mukoshi wa mutemwikwa wandi,Nga filya upita pa milomo ya baume no kulenga balaale.
10 Ine ndi wa mutemwikwa wandi,+Kabili nine afwaya.
11 Ale, we mutemwikwa wandi,Natuleya mu mpanga;Tuyeikala mu tumuti twa henna.+
12 Natucelele ku mabala ya myangashiKu kuyamona umwangashi nga naupuuka,Amaluba nga nayabalula,+Ifimuti fya mapomegranate nga nafipuuka.+
Kulya e ko nkakulangila icitemwiko candi.+
13 Bamandragora*+ balenunkila bwino;Pa miinshi yesu pali imisango yonse iya fisabo ifisuma nga nshi.+
Ifya nomba ne fya kale,Nalikusungila, we mutemwikwa wandi.
Amafutunoti
^ Nelyo “naukaka.”
^ Mu ciHebere, “umutwe.”
^ Abanakashi balelya ifitwalo fya ici icimenwa pantu balemona kwati kuti fyalenga bakwatilako amaka ya bufyashi.
