Ulwimbo lwa Nyimbo 8:1-14
-
Umukashana (1-4)
-
“Iye, kanshi nga wali kwati ni ndume yandi” (1)
-
-
Bandume ya mukashana (5a)
-
‘Nani uyu uushintilile pa mutemwikwa wakwe?’
-
-
Umukashana (5b-7)
-
“Ukutemwa kwakosa nge mfwa” (6)
-
-
Bandume ya mukashana (8, 9)
-
“Nga nkashi yesu cibumba, . . . nomba nga ca kuti ciibi, . . .” (9)
-
-
Umukashana (10-12)
-
“Ine ndi cibumba” (10)
-
-
Kacema (13)
-
‘Leka na ine ng’umfweko ishiwi lyobe’
-
-
Umukashana (14)
-
“Wangufyanye nge mpombo”
-
8 “Iye, kanshi nga wali kwati ni ndume yandi,Uwaonkele ku mabele ya kwa mayo!
Nkusanga panse, nga nakufyompa.+Kabili takuli nangu umo uwingansuula.
2 Kuti nakusenda;No kukwingisha mu ng’anda ya kwa mayo,+Uwansambilishe.
Kuti nakunwesha umwangashi uwasakanamo ifyanunkila,Na menshi ayo bakama mu mapomegranate.
3 Kuti nashintilisha umutwe pa kuboko kwakwe ukwa ku kuso,Kabili kuti ankumbatila no kuboko kwakwe ukwa ku kulyo.+
4 “Mwe bana banakashi ba mu Yerusalemu, ndemweba nati lapeni:
Tekwesha ukubuusha nangu ukubalamuna icitemwiko muli ine cikasuke cikaishile icine.”+
5 “Nani uyu alefuma mu matololo,Nashintilila pa mutemwikwa wakwe?”
“Mwi samba lya muapele e mo nakubuushishe mu tulo.
E mo ifumo lya kwa noko lyabuukiile.
E mo ifumo lya wakufyele lyabuukiile.
6 Umbike nge cishibilo pa mutima obe,Nge cishibilo pa kuboko kobe,Pantu ukutemwa kwakosa nge mfwa,+Kabili ukutemwa takupwa filya fine Inshiishi* ishisula.
Imingu sha kuko shapala imingu sha mulilo, ulubingu lwa kwa Jah.*+
7 Amenshi nangu yafule shani te kuti yashimye ukutemwa,+Kabili te kuti kusendwe ne mimana.+
Umuntu nga apeela ifyuma fyonse ifya mu ng’anda yakwe pa kuti abantu bamutemwe,Abantu kuti bamusuula.”
8 “Twalikwata nkashi yesu umwaice,+Kabili talamena amabele.
Tukacita shani kuli nkashi yesuIlyo bakamulansha?”
9 “Nga nkashi yesu cibumba,Ninshi tukakuulapo ulupungu lwa silfere;Nomba nga ca kuti ciibi,Ninshi tukamwisala no mupindo wa cimuti ca mukedari.”
10 “Ine ndi cibumba,Kabili amabele yandi yaba nge mpungu.
E ico, amona ukutiNdi wa mutende.
11 Solomone alikwete ibala lya myangashi+ mu Baali-hamone.
Apeele ibala lyakwe ku bakulisakamana.
Cila muntu aali no kuleta indalama sha silfere 1,000 pa fisabo fya liko.
12 Ine naliikwatila ibala lya myangashi.
Indalama 1,000 isha silfere shobe Solomone,Ne ndalama 200 sha basakamana ifisabo fya mwi bala.”
13 “We wikala mu mabala,+Abanandi balomfwa ishiwi lyobe.
Leka na ine ndyumfweko.”+
14 “Endesha we mutemwikwa wandi,Kabili wangufyanye nge mpombo+Atemwa ngo mwana wa nsebulaPa mpili apamena ifinunkila.”
Amafutunoti
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ “Jah” e fyo balemba ishina lya kuti Yehova mu kwipifya.
