Yeremia 14:1-22
14 Ifi e fyo Yehova aebele Yeremia pa cilala:+
2 Yuda aleloosha,+ kabili impongolo shakwe nashibongoloka.
Nashiwa kabili shili no bulanda,No kulila kwa bantu mu Yerusalemu kuleumfwika.
3 Kabili bashikulwibo batuma ababomfi babo* mu kutapa amenshi.
Baya ku filindi fya menshi,* lelo tabayasangile.
Babwela ukwabula amenshi,
Nabekatwa insoni kabili baumfwa ububi,Nabaifimba na ku mitwe.
4 Umushili naulepauka,Pa mulandu wa kuti takuli imfula,+Bashibulimi nabomfwa insoni kabili nabaifimba ku mitwe.
5 Nangu ni nsebula iikota mu mpanga naisha akana ako ifyelePantu takuli umulemfwe.
6 Impunda sha mu mpanga nashiminina pa tupili apashaba nangu cimo.
Shilepeemashika nga bamumbwe;Amenso ya shiko nayanaka pantu shilefwaya umulemfwe,+ lelo tashiusangile.
7 Nangu ca kuti ifilubo fyesu filetushinina,Mwe Yehova citenipo cimo pa mulandu we shina lyenu.+
Pantu imembu isho twacita shingi,+Kabili nimwe twabembukila.
8 Mwebo Israele acetekela, mwe bamupususha+ mu nshita ya bucushi,Cinshi mwabela ngo mweni mu calo,Ngo uli pa bulendo uwaimininako mu calo pa kuti atuusheko mu nshita ya bushiku?
9 Cinshi mwabela ngo muntu uupeshiwa amano,Ngo mwaume wa maka uushingapususha abantu?
Pantu mwaba na ifwe, mwe Yehova,+Kabili twainikwa ishina lyenu.+
Mwitulekelesha.
10 Ifi e fyo Yehova alanda pali aba bantu: “Balitemwa ukwendauka;+ tabalesha amakasa+ yabo ukwendauka. E ico Yehova nabafulilwa.+ Akebukisha ifilubo fyabo kabili akabalubulwisha pa membu isho bacita.”+
11 Lyena Yehova anjebele ati: “Wipepelako aba bantu+ ukuti ifintu fibawamine.
12 Nga bafunga nshumfwa ukupaapaata kwabo,+ kabili nga batuula imituulo ya koca ne mituulo ya ngano, nshipokelela imituulo yabo+ pantu nkabomfya ulupanga, icipowe, ne cikuko* pa kubalofya.”+
13 E lyo nalandile nati: “Iye, mwe Shikulu Mulopwe Yehova! Bakasesema bale-eba abantu abati, ‘Tamwakamone ulupanga kabili icipowe tacakese pali imwe, lelo nkalenga mukabe no mutende wa cine muli cino cifulo.’”+
14 Lyena Yehova anjebele ati: “Bakasesema balesesemena ifya bufi mwi shina lyandi.+ Te ine nabatuma, te ine nabeba ifyo balelanda kabili nshalandapo nabo.+ Balemweba ifimonwa fya bufi ifya fye ifyo babuka+ ne fya bufi ifyaba mu mitima yabo.
15 E ico ifi e fyo Yehova alanda pali bakasesema abalesesemena mwi shina lyandi, nangu ca kuti nshabatumine kabili abalanda ati ulupanga ne cipowe tafyakese muli ici calo; ‘Abo bakasesema nkabalofesha+ ku lupanga na ku cipowe.
16 Kabili abantu abo balesesemena bakabapoosa mu misebo ya mu Yerusalemu pa mulandu wa cipowe no lupanga, kabili takwakabe nangu umo uukabashiika+—bena, abakashi babo, abana babo abaume na bana babo abanakashi. Pantu nkabapongolwela ubucushi ubo balingile ukukwata.’+
17 “Ufwile ukubeba auti,‘Amenso yandi nayalukushe ifilamba ubushiku na kasuba, yeleka ukulukusha ifilamba,+Pantu nacisungu wa bantu bandi nabamonaula onse fye,+Ali ne cilonda icabipisha.
18 Nga naya mu mpanga,Ndemona abo bepeye ku lupanga!+
Kabili nga nabwelela mu musumba,Ndemona abalecula pa mulandu wa cipowe!+
Pantu bakasesema na bashimapepo nabaya ku calo ico bashaishiba.’”+
19 Bushe namukaaninina fye Yuda, nelyo bushe namupata* Sione?+
Cinshi mwatukandila ica kutila te kuti batundape?+
Twalesubila ukuti kukaba umutende, lelo takwaishile icisuma nangu cimo,Twalelolela inshita ya kundapwa, lelo kwaishile inshita ya kutiinya!+
20 Mwe Yehova, twasumina ifyabipa ifyo twacita,Ne membu sha fikolwe fyesu,Pantu twalimubembukila.+
21 Mwitukaana+ pa mulandu we shina lyenu;Mwisuula icipuna cenu ica bukata.
Ibukisheni, kabili mwitoba icipangano ico mwapangana na ifwe.+
22 Bushe tulesa twa nko utushaba kantu kuti twalosha imfula?Nelyo bushe imyulu iine yeka kuti yalosha imfula?
Bushe te imwe mweka, mwe Yehova Lesa wesu?+
Kabili nimwe twacetekela,Pantu nimwe mweka mwe bacita ifi fyonse.
Amafutunoti
^ Nelyo “abanono babo.”
^ Nelyo “ifishima.”
^ Nelyo “ubulwele.”
^ Nelyo “umweo wenu naupata.”
