Yeremia 2:1-37
2 Yehova anjebele ati:
2 “Kabiye kebe Yerusalemu auti, ‘Yehova alanda ati:
“Ndebukisha ukutemwa ukushipwa uko wakwete ilyo wali umukashana,+Ukutemwa uko wakwete ilyo wakobekelwe,+Ne fyo walenkonka mu matololo,Mu calo umo bashabyele imbuto.+
3 Yehova alemona Israele ukuti wa mushilo,+ kabili ali e fisabo ifyo abalilepo ukusombola.”’
‘Bonse abalemonaula baleba no mulandu.
Ubucushi bwaleisa pali bena,’ e fyo Yehova alanda.”+
4 Umfweni ifyo Yehova alanda, mwe ba mu ng’anda ya kwa Yakobo,Na imwe mwe ndupwa shonse isha mu ng’anda ya kwa Israele.
5 Yehova alanda ati:
“Cilubo nshi ifikolwe fyenu fyasangile muli ine,+Icalengele fintaluke sana,Fyalapepa na tulesa twa fye+ kabili na fyo fyaba ifya fye?+
6 Tabaleipusha abati, ‘Ali kwi Yehova,Uwatufumishe mu calo ca Egupti,+Uwatwenseshe mu matololo,Uwatwenseshe mu calo umwaba ifiswebebe+ ne filindi,Mu calo umwaba icilala+ kabili umwafiita nga nshi,Mu calo umo umuntu nangu umo ashipitaKabili umushikala abantu?’
7 “Lyena namuletele mu calo umwaba ifimuti ifitwala ifisabo,Pa kuti mulye ifisabo fya ciko ne fisuma fya ciko.+
Lelo mwaishilekowesha icalo candi;Mwalengele ubupyani bwandi bwaba ica bunani.+
8 Bashimapepo tabaipwishe abati, ‘Ali kwi Yehova?’+
Abalesambilisha amafunde tabanjishibe,Bakacema balimpondokele,+Bakasesema basesemene mwi shina lya kwa Baali,+Kabili balepepa tulesa utushingabacitila icisuma nangu cimo.
9 “‘E ico nkamulwisha na kabili,’+ e fyo Yehova alanda,‘Nkalwisha na bana ba bana benu.’
10 “‘Lelo abukileni ku lulamba* umwikala abena Kitimu+ kabili muyemona.
Tumeni amashiwi ku Kedari+ kabili mubikeko sana amano;Mumone nga ca kuti ica musango yu calicitikapo.
11 Bushe kwalibako uluko ulwasha tulesa lupepa no kutendeka ukupepa tulesa uto lumona ukuti twa fye?
Lelo abantu bandi bena balisha ubukata bwandi baya mu kupepa tulesa utushingabaafwa.+
12 Lolesheni mwe myulu kabili papeni pali ici;Tutumeni nga nshi,’ e fyo Yehova alanda,
13 ‘Pantu abantu bandi balicita ifintu fibili ifyabipa:
Balimpondokela, ine ne ntulo ya menshi ya mweo,+Kabili bali-imbila* ifya kusungilamo amenshi.Ifya kusungilamo amenshi ifyalepuka, ifishingasunga amenshi.’
14 “‘Bushe Israele mubomfi nelyo musha uwafyalilwa mu ng’anda?
Inga cinshi bamupokela ifintu?
15 Inkalamo ishana* shilemubulumina;+Nashisansula amashiwi ya shiko.
Nashilenga icalo cakwe caba ica kutiinya.
Imisumba yakwe nabayoca, pa kuti mwi-ikala umuntu nangu umo.
16 Abena Nofu*+ na bena Tafne+ balelya icilongwe* ku mutwe obe.
17 Bushe tawailetelela fye we mwinePa mulandu wa kuti walipondokele Yehova Lesa obe+Ilyo alekutungulula mu nshila?
18 Nomba cinshi ulefwaila ukuila ku Egupti+Mu kunwa amenshi ya mu Shihore?*
Cinshi ulefwaila ukuila ku Asiria+Mu kunwa amenshi ya mu Mumana?*
19 Ifyabipa ifyo ucita fifwile ukukulungika,Ne fyo ucita ifilanga ukuti tawaba ne cishinka fifwile ukukukalipila.
Wishibe kabili wiluke ububi bwabaMu kupondokela Yehova Lesa obe,+Tauntiina,’+ e fyo Shikulu Mulopwe Yehova wa mabumba alanda.
20 ‘Pantu kale nalitobawile ikoli lyobe+Naliputawile na maceni ayo bakukakile.
Lelo walandile ati: “Nshakamubombele,
Pantu pa kapili konse na mwi samba lya fimuti fyonse ifyalelema+E mo walesenama, ulecita ubucende.+
21 Nakulimbile ngo mwangashi uwakashika uusuma,+ uwamenene ku lubuto ulusuma nga nshi;Cinshi wabela utumisambo utubi utwa mwangashi wa ku calo cimbi?’+
22 “‘Nangu wingasambila ne fishikisa na sopo iingi,Nkatwalilila fye ukukumona ukuti uli wa fiko pa mulandu wa membu shobe,’+ e fyo Shikulu Mulopwe Yehova alanda.
23 Kuti walanda shani auti, ‘Nshaikowesha.
Nshipepa baBaali’?
Lolesha inshila yobe iya mu mupokapoka.
Tontonkanya pa fyo wacita.
Uli nge ngamila iyana iikota iibutukisha,Iilebutuka icibutukebutuke, yaya ku ntanshi yabwelela ku numa,
24 Uli nge mpunda ya mu mpanga iyabelela ukwikala mu matololo,Iilenunshanunsha pa kufwaya iilume.*
Nani engaikanya nga ilefwaya ukuba pamo ne ilume?
Ishilume tashakacule pa kuisanga.
Shikaisanga mu nshita ya iko.*
25 Wileka amakasa yobe yende ukwabula indyato,Kabili wileka umukoshi obe umfwe icilaka.
Lelo walandile ati, ‘Te kuti njaluke!+
Nintemwana na bantu bambi bambi,*+Kabili nakulabakonka.’+
26 “Nga filya umupupu omfwa insoni nga bamwikata,E fyo aba mu ng’anda ya kwa Israele,Imfumu shabo, intungulushi shabo,Bashimapepo babo na bakasesema babo bomfwile insoni.+
27 Beba icimuti abati, ‘Niwe tata,’+
Ne libwe balyeba abati, ‘Niwe wamfyele.’
Lelo ine balimfutatila, tabandolesha.+
Kabili ilyo ubucushi bukesa pali bena, bakalanda abati,‘Iseni mutupusushe!’+
28 “Nomba balesa abo waipangila bali kwi?+
Nabese bakupusushe mu nshita ya bucushi nga kuti bakupususha,Pantu balesa bobe balifula nge fyo imisumba yobe yafula, we Yuda.+
29 “‘Cinshi mundwishisha?
Cinshi calenga imwe bonse mumpondokele?’+ e fyo Yehova alanda.
30 Nalikanda abana benu, lelo tapali ifyo bacitapo.+
Balikaana ukukonka ifyo nabasalapula;+Ulupanga lwenu lwalipaya bakasesema,+Kwati ni nkalamo iisansa.
31 Mwe bantu bandi, tontonkanyeni pa mashiwi ya kwa Yehova.
“Bushe ndi nga matololo kuli IsraeleNelyo nge calo umwaba imfifi iilenga abantu balacula?
Cinshi aba abantu bandi balelandila abati, ‘Tuyendela fye.
Tatwakese kuli imwe na kabili’?+
32 Bushe nacisungu kuti alaba ifyo aiyemfeshako,Na nabwinga bushe kuti alaba ica kuikaka pa cifuba?*
Lelo abantu bandi bena balindaba pa nshiku ishishingapendwa.+
33 “Walishiba bwino ifyo ucita we mwanakashi pa kuti bakutemwe!
Wali-isambilisha ifyabipa.+
34 Na ku fya kufwala fyenu kuli umulopa wa bapiina aba kaele,*+Nangu ca kuti nshabasangile baleiba;Umulopa wabo uli ku fya kufwala fyenu fyonse.+
35 “Lelo mulanda amuti, ‘Ndi wa kaele.
Nangu cibe shani ubukali bwakwe bwalifuma pali ine.’
“Nomba ndemupingulaPantu mulanda amuti, ‘Nshabembuka.’
36 Cinshi umwena ukuti kantu akanono ifi waleka ukuba ne cishinka?
Egupti na o akalenga ukomfwe insoni,+Nga filya Asiria alengele waumfwa insoni.+
37 Ifi na fyo fikalenga ukaye ninshi nawikata ku mutwe,+Pantu Yehova nakaana abo wacetekelamo;Tabakakwafwe.”
Amafutunoti
^ Nelyo “ku fishi.”
^ Bafwile baimbile ifi ifya kusungilamo amenshi mu mabwe.
^ Nelyo “inkalamo ishana isha masense.”
^ Nelyo “Abena Memfisi.”
^ Nelyo “icisote ca bufumu.”
^ E kutila, umulonga uwafuma mu mumana wa Naelo.
^ E kutila, umumana wa Yufrate.
^ Nelyo “ilyo umweo wa iko ulefwaya iilume.”
^ Mu ciHebere, “mu mweshi wa iko.”
^ Nelyo “tulesa twa ku calo cimbi.”
^ Nelyo “umushipi uukalamba uwa pa bwinga bwakwe.”
^ Nelyo “imyeo iipina iya kaele.”
