Yeremia 47:1-7
-
Ubusesemo pa baPelishiti (1-7)
47 Aya e mashiwi Yehova aebele kasesema Yeremia pa baPelishiti+ ilyo Farao ashilacimfya Gasa.
2 Yehova amwebele ati:
“Mona! Amenshi yalefuma ku kapinda ka ku kuso.
Yakaba ngo mumana uupoosele.
Kabili yakabunsha icalo na fyonse ifyabamo,Umusumba na bekalamo.
Abaume bakalila,Na bonse abekala mu calo bakaloosha.
3 Ilyo bakomfwa icongo ca mabondo ya bakabalwe bakwe,Icongo ca maceleta yakwe aya nkondo,Ne congo ca mipeto* yakwe,Bashibo tabakapilibukile ku bana babo,Pantu amaboko yabo yakatompoka,
4 Pa mulandu wa kuti ubushiku ubuleisa bukonaula abaPelishiti+ bonse;Bukonaula bonse abashalapo abafwilisha Turi+ na Sidone.+
Pantu Yehova akonaula abaPelishiti,Abashalapo abekala pa cishi ca Kaftore.*+
5 Ipala* likesa mu Gasa.
Ashkelone nabamonaula.+
Mwe bashalapo mwe bekala mu mpanga yabo iyabatama,Ni lilali mukaleka ukuitetaula?+
6 “We lupanga lwa kwa Yehova!+
Ni lilali ukekala tondolo?
Bwelela umo wikala.
Tuushako kabili ikala tondolo.
7 “Kuti lwaikala shani tondoloApo Yehova nalutuma?
Alutumine ku AshkeloneNa ku lulamba lwa bemba.”+
Amafutunoti
^ Nelyo “amawilo.”
^ E kutila, icishi ca Krete.
^ E kutila, bakabeya umushishi ku mitwe yabo, pa mulandu wa kuti bakalaloosha kabili bakaseebana.
