Yobo 13:1-28
13 “Fyonse ifyo ndelandapo amenso yandi yalifimona,Na matwi yandi yalifyumfwapo kabili nalifishiba bwino.
2 Ifyo mwaishiba na ine nalifishiba;Tamwancila.
3 Lelo ine kuti cawama nalanda no Wa Maka Yonse;Ndefwaya ukutuulila Lesa+ umulandu wandi onse.
4 Lelo imwe mulembepesha pa kuti monaule ishina lyandi;Imwe bonse muli bakondapa bacabecabe.+
5 Nga kuti mwaikala fye tondolo,Kuti mwalanga ukuti muli ba mano.+
6 Shi umfweni ifyo ndelondolola,Kabili bikeni amano ku fyo ndelubulula umulandu wandi.
7 Bushe mulelanda ifya bucenjeshi mwi shina lya kwa Lesa,Kabili bushe mulebepa ubufi pa kumulandilako?
8 Bushe muleba ku lubali lwakwe,*Bushe mulelubulwilako Lesa wa cine?
9 Bushe ifintu kuti fyamuwamina nga atendeka ukumufwailisha?+
Bushe kuti mwamubepa nga filya mwingabepa umuntu umwina kufwa?
10 Nangu cibe shani akamukalipilaNga mwaba na kapaatulula+ mu bumfisolo.
11 Bushe ubukata bwakwe tabwakalenge mukabe no mwenso,Kabili bushe takalenge mukamutiine?
12 Amashiwi mulelanda ayo mulemona ukuti ya mano* ya fye, pantu yaba fye nge mito;Ifyo mulelanda pa kuipokolola fya fye, fyaba fye nge nkwela ye bumba.
13 Ikaleni tondolo, pa kuti inande.
Lyena lekeni ifingancitikila fincitikile!
14 Cinshi njibikiile mu busanso*No kubika ubumi* bwandi mu minwe yandi?
15 Nangu enganjipaya, kuti nalolela;+Kuti nalubulula umulandu wandi* pa cinso cakwe.
16 Lyena kuti ampususha,+Pantu takuli umuntu uucita ifyabipa* uwingeminina pa cinso cakwe.+
17 Kutikisheni ifyo ndelanda;Kabili bikeni amano ku mashiwi yandi.
18 Nomba moneni! Ninjipekanya ukulubulula;Pantu ninjishiba ukuti ndi wa kaele.
19 Nani engalubulula na ine?
Kuti nafwa nga naikala tondolo!*
20 Mwe Lesa ndelombako fye ifintu fibili kuli imwe,*Pa kuti nifisama kuli imwe:
21 Fumyeni ukuboko kwenu ukwafina pali ine, kabili mukutwale ukutali sana,Kabili muleke ukuntiinya.+
22 Munjite kabili nala-asuka,Nelyo muleke inande, e lyo munjasuke.
23 Filubo nshi nacita kabili ni membu nshi nacita?
Lekeni njishibe icilubo nacita no lubembu nacita.
24 Cinshi mufishila icinso cenu+ kuli ineKabili cinshi mumwena ukuti ndi mulwani wenu?+
25 Bushe kuti mwatiinya ibuula ilileululukaNelyo bushe kuti mwapepeka icani icauma?
26 Pantu ntwalilila ukulemba ifyabipa ifyo mumbepesha,Kabili mulankandila pa membu isho nacitile ku bwaice.
27 Mwalibika amakasa yandi mu makusu,Mulamona konse uko ndeya,Kabili mulakonkamo monse umo mpita.
28 E ico umuntu* alabola nga filya ifintu fibola,Aba nge ca kufwala ico balya ku fipelebesha fya bushiku.
Amafutunoti
^ Nelyo “ukuba na kapaatulula kuli ena.”
^ Nelyo “ayo mulemona ukuti yalicindama.”
^ Mu ciHebere, “Cinshi mbikiile umunofu wandi mu meno yandi?”
^ Nelyo “umweo.”
^ Nelyo “kuti naipokolola.”
^ Nelyo “umusangu.”
^ Nelyo kuti yapilibula no kuti, “umuntu nga kuti alubulula na ine, ninshi nalaikala tondolo kabili nalafwa.”
^ Mu ciHebere, “Fintu fye fibili ifyo mwicita kuli ine.”
^ Uyu afwile ni Yobo.
