Yobo 15:1-35
15 Elifasi+ umwina Temani ayaswike Yobo ati:
2 “Bushe umuntu wa mano kuti alanda amashiwi ya fye pa kwasuka,Nelyo bushe kuti aisusha ulufumo lwakwe umwela wa ku kabanga?
3 Ukulanda amashiwi ya fye pa kulungika umuntu takwafwa kantu,Kabili ukulanda fye kweka kweka takwafwa kantu.
4 Pantu ulenga abantu baleka ukutiina sana Lesa,Kabili baleka ukubika sana amano kuli Lesa.
5 Pantu imembu shobe e shilenga ulelanda ifyo ulanda,*Kabili ulanda ifya bucenjeshi.
6 Akanwa kobe e kalekupeela imilandu, te ine iyo;Imilomo yobe e ilekushinina.+
7 Bushe niwe wabalilepo ukufyalwa pali bonse,Nelyo bushe wafyelwe ilyo kushilaba utupili?
8 Bushe ulomfwako Lesa nga alelanda ifya nkaama,Nelyo niwe fye wakwata amano?
9 Bushe kwaliba ifyo waishiba ifyo ifwe tushaishiba?+
Nelyo ifyo wailuka ifyo ifwe tushailuka?
10 Uwa mfwi no mukalamba twaba nabo,+Balicila wiso imyaka.
11 Bushe amashiwi ya kwa Lesa aya kusansamusha ayo tukwebele,Na mashiwi ayo tukwebele mwi shiwi ilyanakilila tafikulingile?
12 Cinshi ulekele umutima obe ulekutungulula,Kabili cinshi uletulolesesha bukali bukali?
13 Pantu naufulilwa Lesa,E co ulelandila amashiwi ya musango yu pali ena.
14 Bushe umuntu umwina kufwa kuti aba uwasanguluka,Nelyo bushe uwafyalwa ku mwanakashi kuti aba uwalungama?+
15 Mona! Tacetekela na ba mushilo bakwe,Kabili nangu fye myulu aimona ukuti tayasanguluka.+
16 Kanshi ninshi alicilanapo ukukanacetekela uwa bunani kabili uucita ifyabipa,+Umuntu uunwa ifyabipa nga filya uuli ne cilaka anwa amenshi!
17 Umfwa ifyo nalakweba!
Nalakulondolwela ifyo namona,
18 Ifyo abaume ba mano bashimika, ifyo bashibo+ babashimikile,Kabili ifyo bashafisa.
19 Ifikolwe fyabo fye e fyo bapeele icalo,Kabili takwali uwa ku calo cimbi uwapitile mu calo cabo.
20 Umubifi alacululuka inshiku shakwe shonse,Imyaka yonse iyo aba no mweo aba fye na mafya.
21 Amatwi yakwe+ yomfwa fye ifilenga aleba no mwenso;Mu nshita ya mutende abapokolola ifipe balamusansa.
22 Alishiba ukuti takapusuke imfifi;+Balimusunga pa kuti bakamwipaye ku lupanga.
23 Alapitana pa kuti engasanga ifya kulya* kabili atila: “Ni kwi nalafisanga?”
Alishiba ukuti ubushiku bwa mfifi nabupalama sana.
24 Ubulanda na macushi filalenga aleba no mwenso;Filalenga aleba no mwenso nga filya imfumu ya maka iyaya mu kusansa abalwani baiko ilenga baba no mwenso.
25 Pantu emya ukuboko kwakwe pa kuti alwishe LesaKabili afwaya ukucimfya Uwa Maka Yonse;
26 Alaba uwapama pa kuya mu kulwisha Lesa,Ninshi ali ne nkwela yakwe iyatikama kabili iyakosa;
27 Alaitutumuna,Kabili icuma cakwe nacimulenga aina,
28 Ekala mu misumba iyo bakonaula,Mu mayanda umushakekale umuntu nangu umo,Ayakashala ifitantaala.
29 Takabe umukankaala kabili ifyuma fyakwe tafyakafule,Ne fyo anonka tafyakasalanganine pano isonde.
30 Takapusuke imfifi;Ulubingu lukomika umusambo* wakwe,Kabili umupu wa kwa Lesa+ ukamwipaya.
31 Tafwile ukulaibepa no kucetekela ifya fye,Pantu ifya fye e fikaba icilambu cakwe;
32 Akapokelela icilambu cakwe mu kwangufyanya.Kabili imisambo yakwe tayakafumbe.+
33 Akaba nge cimuti ca mwangashi icilukusha imyangashi iishilapya,Kabili akaba ngo muolife uuponya amaluba ya uko.
34 Pantu ulukuta lwa bacita ifyabipa* lwaba ngo muntu uushifyala,+Kabili amatenti ya ba mafisakanwa bakayoca.
35 Bemita ubucushi kabili bapaapa ifyabipa,Na mu mafumo yabo mufuma ubucenjeshi.”
Amafutunoti
^ Nelyo “imembu shobe e shisambilisha akanwa kobe.”
^ Mu ciHebere, “umukate.”
^ E kutila, isubilo lya kukwata na kabili ifyalobele.
^ Nelyo “abasangu.”
