Yobo 16:1-22
16 Yobo ayaswike ati:
2 “Nalyumfwapo ifintu ifingi ifya musango yu.
Bonse fye muli bakasansamusha abakalifya umutima!+
3 Bushe mukaleka lilali ukulanda amashiwi ya fye?*
Cinshi calenga ulande amashiwi ya musango yu?
4 Nga nimwe mwalecula nge fi ine ndecula,*
Nga ndefwaya kuti nalanda nge fyo mulanda.Kuti namusuushaKabili kuti napukunya umutwe nga namumona.+
5 Nomba ine kuti namweba amashiwi ayengamukosha,Kabili amashiwi ya cisansamushi ayo ningamweba, kuti yalenga mwaumfwako bwino.+
6 Nga nalanda, nshaleke ukumfwa ubukali,+Kabili nga naikala tondolo, bushe ubukali bwalacepako?
7 Lelo nomba Lesa nanenga ukunaka;+Naonaula aba mu ng’anda yandi bonse.*
8 Kabili alanjikata na bantu balamona,Ica kuti ukondoloka kwandi kwaba nga kambone, uwima pa kuti anshinine.
9 Ubukali bwakwe nabunsantaula, kabili alancusha.+
Nga amona ine alasumanya ameno.
Umulwani wandi alandolesha bukali bukali.+
10 Ba-asamuna utunwa twabo pa kuti bampumye,+Bang’uma ku matobo pa kuti bansaalule;Abantu abengi banshinguluka pa kuti bantiinye.+
11 Lesa alenga abalumendo banjimine,Kabili aleka ababifi bancita ifyabipa.+
12 Ne mwine naleikala ku matwi tondolo, lelo aishilentobaula;+Anjikete kwi koshi e lyo anshonaula;Lyena atendeke ukundasa imifwi.
13 Abantu bakwe ababomfya amata banshinguluka;+Alapusha umufwi mu mfyo+ shandi kabili tang’umfwila uluse;Apongolwela ne ndusha yandi panshi.
14 Naba nge cibumba ico atulaula;Amfukukila ngo mushilika.
15 Nimbila insamu ya kufimba pa nkanda yandi,+Kabili ninshiika ubucindami bwandi* mwi loba.+
16 Amenso yandi nayakashika pa mulandu no kulila,+Kabili pa nkopyo shandi pali icinshingwa icafiita fititi,*
17 Nangu ca kuti nshicita ubunkalweNe pepo lyandi lyalisanguluka.
18 We sonde wishiika umulopa wandi!+
Kabili wileka umulopa wandi uleke ukundililako!
19 Na pali ino ine inshita, kambone wandi aba mu myulu;Uwinganandilako ukuti nshaba no mulandu aba ukwasansukisha.
20 Abanandi balampumya+Ilyo ndepepa kuli Lesa+ ninshi ndelila.
21 Lekeni kube uwa kupingula umulandu uo umuntu akwata na Lesa,Nga filya umo engapingula umulandu uo umuntu akwata no muntu munankwe.+
22 Pantu kushele fye imyaka inono,Ndi no kuya uko nshakabwele.+
Amafutunoti
^ Nelyo “amashiwi ayaba ngo mwela.”
^ Nelyo “Nga ca kuti umweo wenu e walecula nge fi umweo wandi ulecula.”
^ Nelyo “bonse abalongana na ine.”
^ Nelyo “amaka.” Mu ciHebere, “ulusengo.”
^ Nelyo “icinshingwa ca mfwa.”
