Yobo 18:1-21
18 Bildadi+ umwina Shuhi alandile ati:
2 “Ukaleka lilali ukulanda ifya musango yu?
Utontonkanyepo, e lyo twalatendeka ukulanda.
3 Cinshi uletumwena kwati tuli nama?+Kabili cinshi uletumwena ukuti tuli bawelewele?*
4 Nangu ca kuti waisantaula* pa mulandu wa bukali bobe,Bushe isonde kuti lyalekeleshiwa pa mulandu wa kuti ulaimona ukuti walicindama,Nelyo bushe icilibwe kuti cafuma apo caikala?
5 Ulubuuto lwa mubifi bakalushimya,Kabili ulubingu lwakwe talwakasanike.+
6 Ulubuuto lwa mwi tenti lyakwe lukashima,Kabili inyali iyo akobeke pa muulu wakwe bakaishimya.
7 Amaka yakwe yalapwa ilyo ale-enda,Kabili amapange yakwe yalalenga awa.+
8 Pantu amakasa yakwe yakamutwala mwi sumbu,Kabili yakekatwa mwi sumbu.
9 Ulukose lukamwikata ku citende;Iciteyo cikamwikata.+
10 Intambo ya kumwikatilako baifishile panshi,Kabili ulukose luli umo alepita.
11 Konse+ uko aya kulaba ifya kumutiinyaKabili fiba kwati filemupepeka.
12 Amaka yakwe yapwa,Kabili ubucushi+ bukamulenga akaletalantanta.*
13 Inkanda yakwe nabailya;Kabili ubulwele bwabipisha sana nabulya* ifilundwa fyakwe.
14 Amafya yamufumya mwi tenti lyakwe+ umo engacingililwaKabili yalenga abutukila ku mfumu ya fya kutiinya.*
15 Abo ashaishiba* bakalaikala mwi tenti lyakwe;Amabwe ya mingu bakayasalanganishisha apo ekala.+
16 Nga filya ciba ku cimuti imishila yakwe ikoma,Ne misambo yakwe nayo ikoma.
17 Abantu pano isonde bakamulaba,Kabili mu misebo abantu tabakeshibe* ishina lyakwe.
18 Bakamufumya mu lubuuto bakamutwale mu mfifiKabili bakamutamfya mu calo.
19 Takakwate abana kabili takwakabe nangu umo uukatuntuka muli ena,Mu cifulo umo ekala,* tamwakabe nangu umo uukapusuka.
20 Ilyo ubushiku bwakwe bukafika aba ku Masamba bakapapaKabili aba ku Kabanga bakatiina nga nshi.
21 Ifi e ficitikila amatenti ya ucita ifyabipaE lyo ne cifulo ca ushaishiba Lesa.”
Amafutunoti
^ Nelyo kuti lyapilibula no kuti, “abashasanguluka.”
^ Nelyo “wasantaula umweo obe.”
^ Nelyo “ukusunta.”
^ Mu ciHebere, “Ibeli lya mfwa nalilya.”
^ Nelyo “imfwa yabipisha.”
^ Mu ciHebere, “Ifishili fyakwe.”
^ Mu ciHebere, “takakwate ishina.”
^ Nelyo “mu cifulo umo aba umulebeshi.”
