Yobo 20:1-29
20 Sofari+ umwina Naamati ayaswike ati:
2 “Ifyo walanda fyankalifya umutimaE ico te kuti njikale fye tondolo.
3 Naunsaalula mu fyo ulandile;Nomba apo ndi wa mano* nalakwasuka.
4 Ufwile walishiba ifi,Pantu e fyo caba ukutula ilyo umuntu* bamubikile pano isonde,+
5 Ukuti ukusekelela kwa mubifi kulapwa bwanguKabili insansa sha ucita ifyabipa* sha pa kashita fye akanono.+
6 Nangu icilumba cakwe cingafika ku muuluNo mutwe wakwe wafika mu makumbi,
7 Akaloba umuyayaya nga mafi yakwe;Abalemumona bakalaipusha abati, ‘Ali kwi?’
8 Akoluluka nge ciloto, kabili tabakamusange;Bakamupepeka kwati cimonwa ca bushiku.
9 Ilinso ilyamumwenepo talyakamumone na kabili,Kabili ing’anda yakwe tayakamumone na kabili.+
10 Abana bakwe bakapaapaata abapiina ukuti babafwe,Kabili iminwe yakwe ikabwesesha ifyuma+ kubo yapokeleko.
11 Mu mafupa yakwe mwaisula amaka ya bulumendo,Lelo aya maka yakalobela pamo nankwe mu lukungu.
12 Nga ca kuti icabipa cilalowa mu kanwa kakwe,Nga acifisa panshi ya lulimi lwakwe,
13 Nga acisunga mu kanwa kakwe kabili taciminine,Lelo atwalilila fye ukucifubata,
14 Ica kulya cakwe cikasasamina mu nda yakwe;Cikaba ngo busungu* bwa nsoka sha busungu sana* mu mubili wakwe.
15 Amina ifyuma, lelo akafiluka;Lesa akafifumya mu lufumo lwakwe.
16 Akoonka ubusungu bwa nsoka sha busungu sana;*Ameno* ye fwafwa yakamwipaya.
17 Takamone ubuci no mukaka watikama,*Ifikonkoloka nga menshi mu mulonga.
18 Akabweseshamo ifintu fyakwe, takafilye;*Takasekelemo mu cuma ico akanonka mu bukwebo bwakwe.+
19 Pantu alishonaula abapiina kabili alibalekelesha;Apoka ing’anda iyo ashakuulile.
20 Lelo takabe no mutende mu nda yakwe;Ifyuma fyakwe tafyakamupusushe.
21 Tapali icashalako ica kuti apoke;E mulandu wine icuma cakwe cikapwila.
22 Ilyo ifyuma fyakwe fikafula sana akasakamikwa nga nshi;Ifyabipa fyonse fikesa pali ena.
23 Ilyo akalalya,Lesa akaleta ubukali bwakwe ububilima ngo mulilo pali ena,Akapongolwela ifyabipa pali ena.
24 Ilyo akafulumuka ifyanso fya cela;Imifwi ya mukuba ikapula muli ena
25 Afumya umufwi uumulashile mu numa yakwe,Ne canso cabeeka mu ndusha yakwe,Kabili umwenso wamwikata.+
26 Ifyuma fyakwe bakafipoosa mu mfifi iyafiita fititi;Umulilo uo umuntu nangu umo ashaputilishe ukamoca;Ifyabipa fikacitikila bonse abapusuka mwi tenti lyakwe.
27 Umuulu ukasokolola ifyabipa ifyo acita;Isonde likamwimina.
28 Ilyeshi likasenda ing’anda yakwe;Kukaba ilyeshi ilikalamba pa bushiku bwa bukali bwa kwa Lesa.*
29 Ici e cilambu ico Lesa apeela umubifi,E bupyani ubo Lesa amupeela.”
Amafutunoti
^ Mu ciHebere, “Nalikwata umupashi uufuma ku mano yandi.”
^ Nelyo “abantunse; Adamu.”
^ Nelyo “umusangu.”
^ Nelyo “indusha.”
^ Ishi insoka shimoneka nga kafi.
^ Ishi insoka shimoneka nga kafi.
^ Mu ciHebere, “ululimi.”
^ E kutila Bata.
^ Mu ciHebere, “kabili takafimine.”
^ Mu ciHebere, “bwakwe.”
