Yobo 21:1-34
21 Yobo ayaswike ati:
2 “Kutikisheni ifyo ndelanda,Nga mwalakutikisha ninshi mwalansansamusha
3 Mwincilima ilyo ndelanda;Lyena nga napwisha ukulanda nga mulefwaya kuti mwampumya.+
4 Bushe ni ku muntunse njilishanya?
Nga e ko njilishanya, bushe kuti natekanya?*
5 Ndolesheni, mwalapapa;Bikeni iminwe yenu pa kanwa
6 Nga natontonkanyapo sana ndasakamikwa,Kabili umubili wandi onse ulatendeka ukututuma
7 Cinshi ico ababifi batwalilila ukuba no bumi,+Cinshi bakotela no kuba abakankaala?*+
8 Abana babo balaba nabo lyonse,Kabili balamona abatuntuka muli bena.
9 Amayanda yabo yalicingililwa, takuba nangu cimo icibatiinya,+Kabili Lesa tabakandila ku nkonto yakwe.
10 Ing’ombe shabo ishilume shilalenga ishikota shaimita;Ing’ombe shabo ishikota shilafyala kabili tashipulumuna.
11 Abana babo abalumendo babutauka panse ngo mukuni wa mpaanga,Kabili abana babo balatolauka.
12 Balemba inyimbo uku ninshi balelisha akaoma ne nsangoKabili balasekelela ilyo balelisha umutolilo.+
13 Balaba ne nsansa inshiku shonse isho baba no mweoKabili baya ku Nshiishi* mu mutende.*
14 Lelo beba Lesa wa cine abati, ‘Tulekeni fye!
Tatulefwaya ukwishiba amafunde yenu.+
15 Nani uwa Maka Yonse uwa kuti tulemubombela?+
Nga twamwishiba, fisuma nshi tukasangamo?’+
16 Lelo nalishiba ukuti tabakwata amaka yakulenga ifintu fyonse filebendela bwino.+
Nshikonkelela ifyo ababifi batontonkanya.*+
17 Miku inga inyali ya bacita ifyabipa yashimapo?+
Miku inga ifyabipa fyabacitikilapo?
Miku inga iyo Lesa abonaulapo, pa mulandu wa kuti nakalipa?
18 Bushe balitala ababapo nge mpimbili isho umwela ulululaKabili bushe balibapo nge misungu iyo umwela uukalamba usenda?
19 Lesa akakandila abana ba mubifi pa filubo ifyo wishi acita.
Lelo Lesa nakande umubifi pa kuti eshibe+ ukuti alilufyanya.
20 Amenso yakwe nayakamone ifyo bakamonaula,Kabili nakanwe icipyu ca Wa Maka Yonse.+
21 Bushe akabika amano ku fikalacitikila abakatuntuka muli enaNga ca kuti afwa bwangu?*+
22 Nani uwingasambilisha Lesa,*+Apo eupingula na bakwata ififulo fya pa muulu?+
23 Umuntu umo alafwa ninshi acili sana na maka+Ninshi alekala umutende ukwabula amasakamika,+
24 Ilyo amatanta yakwe yakulaNa mafupa yakwe yakosa.*
25 Lelo umuntu umbi alacula sana* ilyo ashilafwa,Ninshi talaipakishapo icisuma nangu cimo.
26 Bonse babili bakasendama mu lukungu,+Kabili imititi ikabalya.+
27 Ninjishiba bwino ifyo muletontonkanyaNa mapange mulepanga aya kuncita ifyabipa.*+
28 Pantu mwipusha amuti, ‘Ili kwi ing’anda ya muntu uwalumbuka,Kabili itenti umwaleikala umubifi lili kwi?’+
29 Bushe tamwipusha abalendo?
Bushe tamuceeceeta bwino ifyo bamona,*
30 Ukuti uucita ifyabipa tacula nga kuli ubucushiKabili alapusuka mu bushiku kuli ubucushi?
31 Nani akamwebelapo ukuti ifyo acita fyalibipa,Kabili nani akamukandila pa fyo acita?
32 Ilyo bakamutwala ku nshiishi,Inshiishi yakwe bakalailonda.
33 Umushili wa mu mupokapoka uo bakamushiikamo ukalowa kuli ena,+Kabili abantu bonse bakamukonka pa numa*+Nga filya fine cali ku bantu abengi nga nshi abafwile ilyo ena ashilafwa.
34 E ico cinshi mulelandila amashiwi ya fye pa kunsansamusha?+
Fyonse ifyo mulelanda pa kunjasuka fya bufi!”
Amafutunoti
^ Mu ciHebere, “bushe umupashi wandi kuti watekanya?”
^ Nelyo “aba maka.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “mu kashita fye akanono,” e kutila balangufyanya ukufwa kabili tabakalipwa pa kufwa.
^ Nelyo “ukupanda amano; amapange.”
^ Nelyo “imyeshi yakwe nga bayakanya pabili.”
^ Nelyo “nani uwingasambilisha Lesa amano.”
^ Mu ciHebere, “ilyo ubufyompo bwa mu mafupa yakwe tabulauma.”
^ Nelyo “umweo wakwe ulacula sana.”
^ Nelyo kuti yapilibula no kuti, “ukuncita ubunkalwe.”
^ Mu ciHebere, “ifishibilo.”
^ Mu ciHebere, “Kabili akakulila abantu bonse kuli ena.”
