Yobo 22:1-30
22 Elifasi+ umwina Temani ayaswike ati:
2 “Bushe umuntu alikwata incito kuli Lesa?
Bushe Lesa kuti asekelamo mu muntu uwiluka?+
3 Bushe Uwa Maka Yonse alasekelamo nga walilungama,Bushe alasekelamo ngo li uwa kaele?+
4 Bushe akakukandaNelyo bushe ukalubulula nankwe pa mulandu wa kuti ulamutiina?
5 Bushe te pa mulandu wa kuti uli mubifiKabili imembu shobe+ tashakapwe?
6 Pantu upoka iciikatilo kuli bamunonko apabula umulandu,Kabili ulafuula abantu ifya kufwala ica kuti bashala fye ubwamba.*+
7 Taupeela uunakile amenshi ya kunwa,Kabili ulatana uuli ne nsala ifya kulya.+
8 Abantu aba maka+ ababa nga iwe balapoka impanga iikalamba,Kabili abantu ba musango yu ebekalamo.
9 Lelo watamfishe bamukamfwilwa ukwabula ukubapeela nangu cimo,Kabili washonawile amaboko ya bana abashakwata bawishi.*
10 E co inkose* shakushingulukila,+Kabili e co ifyabipa ificitika ukwabula ukwenekela fikutiinisha;
11 E mulandu wine kufiitile fititi, pa kuti wimona nangu kamo,Kabili e mulandu wine ilyeshi likufimbiile.
12 Bushe Lesa taba mu muulu umwasansama?
Kabili mona ifyo intanda shonse shaba apasansama.
13 Lelo iwe watila: ‘Bushe Lesa aleshiba ifyo abantu bacita?
Bushe kuti amona mu mfifi iyafiitisha pa kuti apingule?
14 Amakumbi yalamucinga ica kuti tamonaIlyo ale-endauka mu mbali ya muulu.’*
15 Bushe wakulaenda mu nshila ya kaleUmo ababifi bale-enda,
16 Abaume abafwile ilyo inshita yabo ishilafika,Abo mulamba*+ asendele umufula wabo?
17 Bale-eba Lesa wa cine abati: ‘Tulekeni fye!
No kuti, Cinshi Uwa Maka Yonse engatucita?’
18 Lelo e wabapeela fyonse ifisuma ifyo bakwata mu mayanda yabo.
(Ifi ababifi batontonkanya te fyo ine ntontonkanya.)
19 Abalungama bakamona ifi kabili bakasekelela,No wa kaele akalabapumya ati:
20 ‘Abalwani besu nababalofya,Kabili na fyonse ifikashalako pali bena bakafyoca.’
21 Ufwile ukwishiba Lesa, pa kuti pakabe umutende pali iwe na ena;Lyena ukakwata ifintu ifisuma.
22 Pokelela amafunde yakwe,Kabili usunge ifyo alanda mu mutima obe.+
23 Nga wabwelela ku Wa Maka Yonse, ukacindama na kabili;+Nga wafumya ifyabipa mwi tenti lyobe,
24 Nga kuti wapoosa golde yobe mu lukunguKabili nga kuti wapoosa golde ya ku Ofiri+ mu fimabwe fya mu mupokapoka,
25 Lyena Uwa Maka Yonse akaba golde yobe,Kabili akaba silfere yobe iisuma.
26 Lyena ukalasekelela mu Wa Maka Yonse,Kabili ukemisha icinso cobe kuli Lesa.
27 Ukamupaapaata, na o akomfwa;Kabili ukafikilisha imilapo yobe.
28 Fyonse ifyo ukalasalapo ukucita fikalaenda bwino,Kabili ulubuuto lukabalika mu nshila yobe.
29 Pantu akakuseebanya nga walalanda cilumba cilumba,Lelo akapususha uwaiceefya.*
30 Akapususha aba kaele;Kanshi iminwe yobe nga yalisanguluka, nangu cibe shani akakupususha.”
Amafutunoti
^ Mu ciHebere, “ulafuula abali ubwamba ifya kufwala.”
^ Nelyo “abana banshiwa.”
^ Mu ciHebere, “inkose sha fyuni.”
^ Nelyo “ilyo aleshinguluka umuulu.”
^ Mu ciHebere, “umumana.”
^ Nelyo “uulolesha panshi.”
