Yobo 23:1-17
23 Yobo ayaswike ati:
2 “Na lelo line ndetwalilila ukuilishanya;+Amaka yandi nayapwa pa mulandu no kuteta.
3 Kanshi nga nalishibe uko ningasanga Lesa!+
Kuti naya ku cifulo uko ekala.+
4 Kuti natwala umulandu kuli enaKabili kuti namweba ifishinka fyonse pa kuti njipokolole;
5 Kuti nakutika ifyo enganjasukaKabili kuti nabika amano ku fyo enganjeba.
6 Bushe kuti abomfya amaka yakwe ayakalamba pa kulubulula na ine?
Awe, kuti akutika ilyo ndelanda.+
7 Lyena umulandu umulungami alelubulula na ena kuti wapwa,Kabili Kapingula wandi kuti andubula umuyayaya.
8 Lelo nga naya ku kabanga, tabako;Kabili nga nabwela, nshimusanga.
9 Nga alebombela ku kuso, nshimumona;Kabili nga aba ku kulyo, nako kwine nshimumona.
10 Lelo alishiba inshila iyo nyendamo.+
Pa numa ya kunjesha, nkaba nga golde iyo balopolola.+
11 Amakasa yandi yalakonka sana mu ntampulo shakwe;Nyenda mu nshila yakwe kabili nshifumamo.+
12 Nshaleka ukukonka amafunde yakwe.
Ndacita ifyo alanda+ ukucila na pa fyo ningile ukucita.*
13 Nga alefwaisha ukucita fimo, nani engamukaanya?+
Nga alefwaya* ukucita fimo, alaficita.+
14 Pantu akafikilisha fyonse ifyo afwaya ukuncitila,*Kabili ifyo afwaya ukucita fingi.
15 E co ine imutiinina;Nga natontonkanya pali ena, ndacilamo ukumutiina.
16 Lesa nalenga nafwa icipuupu,Kabili Uwa Maka Yonse nalenga naba no mwenso.
17 Lelo nangu ni mfifi iyafiita fititiTayalenga naikala tondolo nangu ca kuti yalimfimba pa menso.
Amafutunoti
^ Nelyo “ukucila na pa fyo anjeba ukucita.”
^ Nelyo “Umweo wakwe nga ulefwaya.”
^ Nelyo “ifyo anjeba ukuti e fyo akancitila.”
