Yobo 27:1-23
27 Yobo akonkenyepo ukulanda ati:
2 “Na pali Lesa uwamfyenga,+Uwa Maka Yonse uwalenga ndecula,*+
3 Apo umupu wandi ucili muli ineKabili apo umupashi wa kwa Lesa uli mu myona yandi,+
4 Imilomo yandi tayakalande ifishalungama;No lulimi lwandi talwakalande ifya bufi!
5 Te kuti nande ukuti imwe mwalilungama!
Nshakaleke icintu nangu cimo cikalenge nkaleke ukuba uwa kaele+ mpaka nkafwe!
6 Nkatwalilila ukuba umulungami kabili nshakaleke;+Umutima wandi tawakampeele umulandu* mpaka nkafwe.*
7 Umulwani wandi nabe ngo mubifi,Abalencena nababe ngo uushalungama.
8 Bushe uucita ifyabipa* alakwata isubilo nga bamonaula,+Lesa nga amwipaya?*
9 Bushe Lesa kuti aumfwa ukulilishika kwakweAmacushi nga yamuponena?+
10 Nelyo bushe kuti asekelamo mu Wa Maka Yonse?
Bushe kuti alilila kuli Lesa inshita yonse?
11 Nalamusambilisha pa maka* ya kwa Lesa;Nshamufise nangu cimo pa Wa Maka Yonse.
12 Moneni! Nga ca kuti imwe bonse mwalimona ifimonwa,Cinshi mulelandila amashiwi ya fye?
13 Ici e cilambu ico Lesa apeela+ umubifi,E bupyani ubo Uwa Maka Yonse apeela abankalwe.
14 Abana bakwe nga bafula bakabepaya ku lupanga,+Kabili abakatuntuka muli ena bakakwata fye ifya kulya ifinono.
15 Abana bakwe abakapusuka, icikuko cikabepaya,Kabili abanakashi abo baupile tabakabalooshe.
16 Nangu engatuulika silfere nge miina ye lobaKabili nangu engafusha ifya kufwala ifisuma nge loba,
17 Nangu engalonganika ifya kufwala,Uwalungama e ukalafifwala,+Kabili aba kaele bakaakana silfere yakwe.
18 Ing’anda iyo akuula tayakosa, yaba nge ng’anda ya cipelebesha ca bushiku,Yaba ngo musakuta+ uo malonda apanga.
19 Akaya mu kulaala ninshi mukankaala, lelo takalonganikepo nangu cimo;Ilyo akashibuka, takasangepo nangu cimo.
20 Ifimutiinya fikesa pali ena nge lyeshi;Mu nshita ya bushiku+ icikuuku ca mwela cikamusenda.
21 Umwela wa ku kabanga ukamusenda kabili e fyo akaya;Ukamupyanga ukumufumya pa cifulo ekala.+
22 Ukapuupila pali ena+Tawakamumfwile uluse ilyo akalaesha uku-ufulumuka.+
23 Ukatoota pa kumupumyaKabili ukamulishisha umunsoli+ ninshi uli pa cifulo ca uko.*
Amafutunoti
^ Nelyo “uwalenga umweo wandi ulecula.”
^ Nelyo “tawakampumye.”
^ Nelyo “inshiku shandi shonse.”
^ Nelyo “umusangu.”
^ Nelyo “nga aipaya umweo wakwe.”
^ Nelyo kuti yapilibula no kuti, “pa kuboko.”
^ Nelyo kuti yapilibula no kuti, “Bakamutootela kabili bakamulishisha iminsoli pa kumupumya ninshi bali pa fifulo fyabo.
