Yobo 28:1-28
28 “Kwaliba incende iyo bembamo silfereNe yo bembamo golde iyo balopolola;+
2 Icela bacimba mu mushili,E lyo umukuba bawengulula ku mabwe.*+
3 Umuntu alaya ku cifulo icafiita;Alaya umwafiitisha,Mu kufwaya ulubwe.*
4 Emba icilongoma ukutali no ko abantu bekala,Mu ncende isho abantu baalaba, ishaba ukutali no ko bapitila;Abantu bamo bengila muli ici icilongoma ne ntambo, kabili bapeeleela kuli ishi ntambo ilyo balebomba.
5 Ifya kulya fimena pa muulu we sonde;Lelo panshi ye sonde palonaika,* nga filya umulilo onaula ifintu.
6 Mu mabwe mwaliba safiri,Kabili mu lukungu namo mwaliba golde.
7 Kapumpe taishiba inshila iyayako;Pungwa na o taimonapo.
8 Inama mpanga ishikalamba tashapitamo;Ne nkalamo iyana iya masense tayanyantamo ulukasa.
9 Umuntu alatoba amabwe yakosa;Alapenuna impili pa mashinte ya shiko;
10 Atula ifipunda mu mabwe umwa kupita amenshi;+Amenso yalamona ilibwe lyonse ilyakosa umutengo.
11 Apanga ifishiba pa ntulo ya mimanaKabili ifishalemoneka afileta mu lubuuto.
12 Nomba ni kwi kwingasangwa amano,+Kabili intulo ya kwiluka yaba kwi?+
13 Takuli umuntu nangu umo uwingeluka ifyo yacindama,+Kabili te kuti ayasange pano isonde.
14 Itenga litila, ‘Tayaba muli ine!’
Kabili bemba atila, ‘Tayaba muli ine!’+
15 Umuntu te kuti ashite amano muli golde iyalopololwa;Kabili te kuti akaabule amano na silfere nangu ingafula shani.+
16 Umuntu te kuti ayashite muli golde ya ku Ofiri+Nangu ni muli shohamu na muli safiri.
17 Golde ne glasi te kuti filingane na mano;Kabili amano te kuti bayakaabule ne cipe ico bapangila na golde iisuma.*+
18 Korali na krustali te kuti tweshe no kufilinganya ku mano,+Pantu umufuko umo uwa mano walicila sana umufuko umo uwa bamargariti.
19 Topasi+ ya ku Kushi* te kuti ilingane na mano;Te kuti bayashite nangu ni muli golde iyalopololwa.
20 Nomba bushe amano yafuma kwi,Kabili bushe intulo ya kwiluka yaba kwi?+
21 Yalibelama ku ca mweo conse+Na ku fyuni fya mu lwelele nako yalibelama.
22 Icifulo ca bonaushi ne mfwa fitila,‘Twaumfwako fye amang’umfung’umfu pa mano.’
23 Lesa e waishiba ifya kusanga amano;Eka fye e waishiba uko yaba,+
24 Pantu alamona na ku mpela sha pano isonde,Kabili alamona fyonse ifyaba mwi samba lya myuulu.+
25 Ilyo apeele umwela amaka*+Kabili ilyo apimine amenshi,+
26 Ilyo apangiile imfula ifunde lya kukonka+Ne nshila umwa kupita imfula iikalamba ne nkuba,+
27 E lyo amwene amano kabili aliyalondolwele;Aliyabikileko kabili aliyeseshe.
28 Lyena aebele umuntu ati:
‘Mona! Ukutiina Yehova, e mano,+No kutaluka ku fyabipa e kwiluka.’”+
Amafutunoti
^ Mu ciHebere, “baupongolola ukufuma mu mabwe.”
^ Mu ciHebere, “ilibwe.”
^ Nalimo uku ukonaika balelandapo ni filya umushili onaika nga baleimba ulubwe.
^ Nelyo “iyalopololwa.”
^ Nelyo “Etiopia.”
^ Mu ciHebere, “ukufina.”
