Yobo 29:1-25
29 Yobo atwalilile ukulanda ati:
2 “Kanshi nga ndi filya nali imyeshi iyapitapo,Ilyo Lesa aleninda,
3 Ilyo alengele inyali yakwe yansanika pa mutwe,Ilyo nale-enda umwafiita ninshi ulubuuto lwakwe nalusanika,+
4 Ilyo* nali umulumendo ninshi ndi na maka,Ilyo Lesa ali sana cibusa wandi kabili ilyo ali mwi tenti lyandi,+
5 Ilyo Uwa Maka Yonse aali na ine,Ilyo abana bandi* bonse bali na ine,
6 Ilyo nalenyanta mu mukaka watikama,*Kabili ilyo ifimabwe fyalempongolwela amafuta.+
7 Ilyo naleya ku mpongolo ya musumba+No kwikala pa cipuna mu lubansa,+
8 Abalumendo nga bamona, balemfumina mu nshila,*Abakalamba nabo baleimininako, kabili baletwalilila ukwiminina.+
9 Bacilolo baleikala tondolo;Balebika iminwe pa tunwa twabo.
10 Bashimucindikwa baleikala tondolo;Ululimi lwalelambatila mu tunwa twabo.
11 Bonse abaleumfwa pali ine balelanda ifisuma pali ine,Kabili bonse abalemona, balenandilako.
12 Pantu nalepususha umupiina uwalepunda mutuule,+No mwana uushakwete wishi e lyo na onse fye uushakwete wa kumwafwa.+
13 Uwaleba mu kufwa alempaala,+Kabili nalelenga umutima wa kwa mukamfwilwa wasekelela.+
14 Nalefwala ubulungami nge fya kufwala fyandi;Nalefwala umulinganya ngo mwingila* kabili nge nsalu ya kupomba ku mutwe.
15 Nali amenso ku bashimonaKabili nali amakasa ku balemana.
16 Nali wishi wa mupiina;+Kabili nalefwailisha umulandu wa bantu abo nshaishibe no kwishiba+ pa kuti bebafyenga.
17 Naletobaula insekete sha walecita ifyabipa+Kabili nalepususha abo aletakaanya.
18 Naleti, ‘Nkafwila mu ng’anda yandi,*+Kabili inshiku shandi shikafula ngo mucanga.
19 Imishila yandi ikatabilila mu menshi,Kabili umume ukekala ku misambo yandi ubushiku bonse.
20 Abantu tabakaleke ukuncindika,Kabili ubuta ubuli mu minwe yandi tabwakaleke ukulasa.’
21 Abantu balefwaisha ukumfwa ifyo nalelanda,Baleikala tondolo ilyo balelolela ukuti mbapandeko amano.+
22 Nga napwisha ukulanda, abantu tabalelandapo nangu cimo;Baletemwa ifyo nalelanda.*
23 Balendolela nga filya abantu balolela imfula;Baleasamuna utunwa twabo pa kuti banwe amashiwi yandi nga filya abantu balolela ukunwa amenshi ya mfula ya kulekelesha.+
24 Nga nabamwentwila balepapa;Nga bamona ifyo icinso candi caleba ne nsansa balekoseleshiwa.*
25 Apo nali intungulushi yabo, nalebatungulula,Naleikala nge mfumu pa bashilika ba iko,+Nali ngo walesansamusha abaleloosha.+
Amafutunoti
^ Mu ciHebere, “mu nshiku.”
^ Nelyo “ababomfi.”
^ E kutila Bata.
^ Mu ciHebere, “balebelama.”
^ Nelyo “ica kufwala cabula amaboko.”
^ Mu ciHebere, “mu cinsa candi.”
^ Mu ciHebere, “amashiwi yandi yaletonena mu matwi yabo.”
^ Nelyo kuti yapilibula no kuti, “tabalelenga icinso candi caba no bulanda.”
