Yobo 3:1-26
3 Lyena Yobo asukile atendeka ukulanda kabili atiipile ubushiku afyelwe.*+
2 Yobo atile:
3 “Kanshi ubushiku nafyelwe+ nga tabwaliko,Ne nshita ya bushiku ilyo umuntu umo alandile ukuti ‘umwanakashi naimita umwana umwaume!’
4 Bulya bushiku nabube imfifi.
Lesa wa mu muulu e bubikako amano;Ulubuuto lwisanikapo pali bulya bushiku.
5 Lekeni imfifi iyafiita fititi* isende ubu bushiku.
Lekeni ikumbi lya mfula lifimbe ubu bushiku.
Lekeni fyonse ifilenga pa calo pafiite, fitiinye ubu bushiku.
6 Lekeni bulya bushiku bufiite fititi;+Bwisansamukila pamo ne nshiku shimbi isha mwaka,Kabili bebupendela pamo ne nshiku shimbi isha myeshi.
7 Nga caliweme pali bulya bushiku nga tapafyelwe umuntu nangu umo;Mwileka umuntu nangu umo asekelele pali bulya bushiku.
8 Lekeni abatiipa inshiku batiipe bulya bushiku,Abengabuusha Ing’wena.*+
9 Mwileka intanda sha ku macaca isha bulya bushiku shisanike;Lekeni bulya bushiku bulolele ulubuuto lelo lwimoneka,Kabili bwimona imyengelele ya kasuba ilyo kaletula.
10 Pantu bulya bushiku tabwaisele ifiibi fya mu nda+ muli mayo;Pa kuti nimona ubucushi.
11 Cinshi nshafwilile ilyo nalefyalwa?
Cinshi nshafwilile ilyo nafumine mu nda+ muli mayo?
12 Cinshi ico mayo ampokelele pa makufi yakweNo kung’onsha ku mabele yakwe?
13 Pantu pali ino nshita nga nalisendama ukwabula ifya kumpumfyanya;+Nga nalilaala utulo, kabili nga ndetuusha+
14 Pamo ne mfumu sha pano isonde ne mpanda mano sha shiko,Ishaikuulile ifikuulwa ifyashala ifitantaala,*
15 Nelyo pamo na bacilolo abakwete golde,Abo mu mayanda yabo mwaiswile silfere.
16 Nelyo cinshi nshafwilile fye mwi fumo muli mayo,Ngo tunya utushatala atumonapo ulubuuto?
17 Ku nshiishi, na babifi balaleka ukucula;Na bapomponteka balaya mu kutuusha.+
18 Kulya abafungwa balatuusha;Kabili takwaba uubapatikisha ukubomba.
19 Kulya abantu yaweyawe na bashimucindikwa baba fye cimo cine,+Kabili umusha alalubuka kuli shikulu wakwe.
20 Cinshi Lesa apeelela uulecula ulubuutoNo bumi ku balecula nga nshi?*+
21 Cinshi abafwaya ukufwa bashifwila?+
Nangu ca kuti balafwaya imfwa ukucila ifyo bafwaya ifyuma ifyashikama, tabaisanga.
22 Abasansamuka nga nshi,Abasekelela nga basanga apa kubashiika.
23 Cinshi Lesa apeelela umuntu ulubuuto, uwaluba inshila iyo afwile ukuyamo,Uo Lesa apindilila?+
24 Pantu ukuteta kwandi+ e fya kulya fyandi,Kabili ukuteta kwandi+ kulepongoloka nga menshi.
25 Pantu ifyo naletutuma nafiisa pali ine,Kabili ifyo naletiina nafimponena.
26 Nshikala umutende nelyo umutelelwe, kabili nshituushaLelo amacushi yatwalilila fye ukwisa pali ine.”
Amafutunoti
^ Mu ciHebere, “atipwilile ubushiku bwakwe.”
^ Nelyo “imfifi ne cinshingwa ca mfwa.”
^ Mu ciHebere, “Levayatani.” Iyi inama kuti yaba ni ng’wena nelyo inama imbi iikalamba kabili iya maka iya mu menshi.
^ Nelyo kuti yapilibula no kuti, “abaikuuliile ifyashala ifibolya.”
^ Nelyo “abo umweo ulekalipa.”
