Yobo 31:1-40
31 “Nalipangana icipangano na menso yandi.+
E ico cinshi ningalakumbilwa nacisungu?+
2 Cilambu nshi Lesa uwaikala ku muulu engampeela,Bupyani nshi Uwa Maka Yonse uwaikala ukwasumbuka engampeela?
3 Bushe ifyabipa tafilolela umubifiKabili bushe amacushi tayakeshile abacita ifyabipa?+
4 Bushe tamona inshila shandi+Kabili bushe tapenda intampulo shandi shonse?
5 Bushe nalyendapo mu bufi?*
Bushe ulukasa lwandi lwalyangufyanyapo ukuya mu kubepa?+
6 Lesa nampimine pa masekelo ayalungama;+E lyo alamona ukuti ndi wa kaele.+
7 Nga ca kuti amakasa yandi yalifuma mu nshila+Nelyo umutima wandi nga walikonkelela amenso yandi+Nelyo amaboko yandi yalikowela,
8 Ninshi lekeni intande imbuto no muntu umbi alye,+Kabili ifyo nabyala, lekeni bafinukule.*
9 Nga ca kuti umwanakashi+ abeleleka umutima wandiKabili nga nalalolela+ umukashi wa munandi,
10 Ninshi umukashi wandi afwile ukupelela umwaume umbi ubuunga,Kabili lekeni abaume bambi balaale nankwe.*+
11 Pantu ukucita ifyo kuti kwaba lishiku,Kabili kuti lwaba lubembu ulo bakapingula+ bengankandilapo.
12 Kuti kwaba ngo mulilo uoca kabili uonaula ifintu,+Uwingonaula ne mishila* ya filimwa fyandi fyonse.
13 Nga nalifyengele umubomfi wandi umwaume nelyo umwanakashiIlyo baleilishanya pali ine,*
14 Finshi ningacita Lesa nga andubulwisha?*
Kuti namwasuka shani nga anjipusha?+
15 Bushe uwampangile mwi fumo muli mayo, te wabapangile nabo bene?+
Bushe te umo wine uwatupangile ilyo tushilafyalwa?*+
16 Nga ca kuti nalitanine umupiina ifyo alefwaya+Nelyo nga nalengele amenso ya kwa mukamfwilwa+ yaba no bulanda;*
17 Nga ca kuti nalelya ifya kulya neka,Ukwabula ukupeelako abana ba nshiwa;+
18 (Pantu ukutula ku bwaice bwandi,* abana ba nshiwa bakulile na ine, nali fye kwati nine shibo,Kabili ukutula ku bwaice bwandi ndafwilisha bamukamfwilwa.)
19 Nga ca kuti naletamba fye uko umuntu alefwa ku mpepo pa mulandu wa kuti takwete ifya kufwalaNelyo umupiina uushakwete ica kuifimba;+
20 Nga nshamupeele ica kuifimba+Ica masako ya mpaanga pa kuti akabe kabili ampaale;*
21 Nga ca kuti nalefungila umwana wa nshiwa+ ikofiIlyo alefwaya ubwafwilisho kuli ine mu mpongolo ya musumba;*+
22 Ninshi lekeni ukuboko kwandi kufume mu cipeya,Kabili lekeni ukuboko kwandi kufunikile pa nkonkoni.
23 Pantu naletiina ubucushi ubo Lesa ali no kundetela,Kabili nalifililwe ukwiminina pa ntanshi ya bukata bwakwe.
24 Nga ca kuti nalicetekeele goldeNelyo naebele golde iisuma nati, ‘Niwe nacetekela!’+
25 Nga ca kuti ifyuma ifingi+ ifyo nakwete e fyalelenga ndesekelelaPa mulandu wa kuti nalikwete ifintu ifingi;+
26 Nga ca kuti nalimwene ukubengeshima kwa kasuba*Nelyo ukuyemba kwa mweshi ilyo ulepita mu muulu;+
27 Kabili nga ca kuti umutima wandi walibelelekwe mu bumfisoloNatomona no kuboko kwandi pa kufipepa;+
28 Ukucita ifi kuti kwaba cilubo ico bakapingula bengankandilapo,Pantu ninshi nakaana Lesa wa cine uwaba ku muulu.
29 Bushe nalitala nsekelelapo umulwani wandi+ nga afwaNelyo bushe nalisansamukapo pa mulandu wa kuti ifyabipa fyamucitikila?
30 Nshalekele akanwa kandi kabembukaPa kuti imutiipwile ukuti afwe.*+
31 Bushe abaume ba mwi tenti lyandi tabalandile abati,‘Nani uwingasanga umuntu uushalyapo ifya kulya*+ fya kwa Yobo no kwikuta?’
32 Takwatalile akubapo umweni* uwaleelepo panse;+Naleiswila abalendo ifiibi fya ng’anda yandi.
33 Bushe nalitalamfimbapo pa filubo fyandi nga filya abantu bambi bacita,+Pa kuti mfise ulubembu lwandi mwi tumba lya ca kufwala candi?
34 Bushe nalitalantiinapo ifyo ibumba ilikalamba ilya bantu lingancita,Nelyo bushe nalitiinapo ukuti indupwa shimbi shikanseebanyaIca kuti naikala tondolo, nalafilwa no kufumina panse?
35 Kanshi nga kuli uulekutika ifyo ndelanda!+
Nga nacisaina pa fyo nandile
Lekeni Uwa Maka Yonse anjasuke!+
Kanshi uulembepesha nga acilemba imilandu iyo alempeela!
36 Nga naci-isendela pa kubeya kwandi,Kabili nga naci-ifwala ku mutwe nge cisote ca bufumu.
37 Kuti nalubulula kuli ena pali fyonse ifyo nacita;Kuti nashipa pa kulanda nankwe nga filya intungulushi ishipa.
38 Nga ca kuti abantu balailishanya pa mulandu wa kuti nalibapoka ibalaKabili abapanga imikolwa muli ili ibala balilila pamo pa mulandu wandi;
39 Nga ca kuti naliliile ifisabo fya liko ukwabula ukulipila+ abafilimine,Nelyo nga nalilengele abene be bala* baba no bulanda;+
40 Lyena lekeni imyunga imene mwi bala lyandi, mwimena inganoKabili icani icinunka piipi cimenemo, mwimena barle.”
Pano pene epo Yobo alekela ukulanda.
Amafutunoti
^ Nelyo kuti yapilibula no kuti “na ba bufi?”
^ Nelyo “lekeni abatuntuka muli ine babanukule.”
^ Mu ciHebere, “lekeni abaume bambi bafukamine pali ena.”
^ Nelyo “kuti wanukula.”
^ Nelyo “Ilyo bantwele ku cilye.”
^ Mu ciHebere, “nga aima.”
^ Mu ciHebere, “ilyo twali mwi fumo?”
^ Mu ciHebere, “nalengele amenso ya kwa mukamfwilwa yafilwa ukumona.”
^ Mu ciHebere, “ukutula ilyo nafumine mu nda muli mayo.”
^ Mu ciHebere, “umusana wakwe umpaale.”
^ Nelyo kuti yapilibula no kuti, “Ilyo namwene ukuti kwali aba kungafwa mu mpongolo ya musumba.”
^ Mu ciHebere, “ulubuuto.”
^ Nelyo “ukuti umweo wakwe ufwe.”
^ Mu ciHebere, “inama.”
^ Nelyo “uwa ku calo cimbi.”
^ Nelyo “umweo wa bene be bala.”
