Yobo 34:1-37
34 E ico Elihu atwalilile ukulanda ati:
2 “Kutikeni ifyo ndelanda, imwe mwe ba mano;Umfweni imwe mwe baishiba ifingi.
3 Pantu ukutwi kulomfwa ukuti aya amashiwi yasuma e lyo aya yabiNga filya fine ululimi lusonda ifya kulya.
4 Natuimwene fwe bene icalungama;Natuisalile fwe bene icisuma.
5 Pantu Yobo atile, ‘Nshalufyanya nangu cimo,+Lelo Lesa alimfyenga.+
6 Bushe mfwile ukubepa pa fyo ubupingushi bwandi bufwile ukuba?
Icilonda candi tacipola nangu ca kuti nshalufyanya.’+
7 Muntu nshi uwaba nga Yobo,Uunwa imiponto nga menshi?
8 Nomba line fye ali no kuba cibusa wa bacita ifyabipaKabili akulaba pamo na babifi.+
9 Pantu alandile ati, ‘Umuntu tanonkelamo nangu cimoNga ale-esha ukucita ifyo Lesa atemwa.’+
10 E ico kutikeni kuli ine mwe bantu abeluka:*
Lesa wa cine te kuti acite ifyabipa,+Uwa Maka Yonse te kuti acite icishalungama!+
11 Pantu akalambula umuntu ukulingana ne fyo acita+Kabili akaleka ifintu fikacitikile umuntu ukulingana ne fyo acita.
12 Ukwabula no kutwishika Lesa tacita ifyabipa;+Uwa Maka Yonse wa mulinganya+ muli fyonse ifyo acita.
13 Nani wamupeela amaka ya kwangalila isonde,Kabili nani amusonta ukulateka icalo conse?*
14 Nga ayalukila abantu,Abapoka no mupashi no mupu,+
15 Abantu bonse kuti bafwa,Kabili kuti babwelela ku lukungu.+
16 E ico nga uli muntu uwiluka, bika amano kuli ifi;Kutikisha ifyo ndelanda.
17 Bushe uwapata umulinganya kuti ateka,Nelyo bushe kuti waeba kateka uucita ifyalungama ukuti mubi?
18 Bushe kuti waeba imfumu ukuti, ‘Uli cinangwa,’
Nelyo kuti waeba intungulushi ukuti, ‘Uli mbifi’?+
19 Kwaliba Umo uushaba na kapaatulula kuli baciloloKabili uushitemwapo abakankaala no kusuula abapiina,*+Pantu bonse fye e wababumbile.+
20 Mu kupumikisha fye,+ kuti bafwa pa kati ka bushiku;+Balatutuma nga nshi kabili balaleka umweo;Nangu fye ni bakateka balafwa, lelo te bantu ababepaya.+
21 Pantu Lesa alabika amano kuli fyonse ifyo umuntu acita,+Kabili alamona fyonse ifyo acita.
22 Takuli imfifi iyafiitishaUmo abacita ifyabipa bengafisama.+
23 Pantu Lesa tabikila umuntu nangu umo inshitaIya kuya pa cinso cakwe pa kuti amupingule.
24 Takabila ukufwailisha pa kuti ashonaule bakatekaKabili alapyanikapo bambi pali bena.+
25 Pantu alishiba ifyo bacita;+Alabacimfya mu nshita ya bushiku, kabili balashonaulwa.+
26 Alaboma pa mulandu ne fyabipa ifyo bacita,Abomina pa menso ya bantu bonse,+
27 Pantu balileka ukumukonka+Kabili balisuula inshila shakwe;+
28 Balalenga abapiina balilila kuli ena ukuti abafwe,Ica kuti alomfwa ukulila kwa bashakwata uwa kubafwa.+
29 Lesa nga aikala tondolo, nani uwingamupeela umulandu?
Nga afisa icinso cakwe, nani uwingamumona?
Nampo nga afisa icinso cakwe pa kuti uluko lwimumona nelyo umuntu e mumona, takuli nangu umo uwingamumona,
30 Pa kuti uucita ifyabipa* elateka+Nelyo elabikila abantu ifiteyo.
31 Bushe kuli uwingeba Lesa ati,‘Namunkanda nangu ca kutila tapaba ifyabipa ifyo nacita;+
32 Nsambilisheni ifyo nafilwa ukumona;Nga nalilufyanya, nshakabwekeshepo’?
33 Bushe ulefwaya akulambule ukulingana ne fyo ulefwaya nangu ca kuti walikaana ubupingushi bwakwe?
Niwe ufwile ukusalapo, te ine iyo.
E ico njeba ifyo waishiba bwino.
34 Abantu abeluka* kabili aba mano abomfwa ifyo nandaBakanjeba abati,
35 ‘Yobo alanda fye ukwabula ukwishiba ifishinka,+Kabili ifyo alanda filanga ukuti teluka.’
36 Lekeni Yobo eshiwe* sanaPantu alanda nga babifi!
37 Pa lubembu lwakwe+ alalundapo no kupondokela Lesa;Pa kutupumya alatoota ninshi tulemonako no kumonakoKabili alalanda amashiwi ayengi aya kupeela Lesa wa cine+ imilandu!”
Amafutunoti
^ Mu ciHebere, “abantu ba mutima.”
^ Nelyo “isonde umwikala abantu?”
^ Nelyo “uushitemwapo bashimucindikwa no kusuula abantu yaweyawe.”
^ Nelyo “umusangu.”
^ Mu ciHebere, “aba mutima.”
^ Nelyo kuti yapilibula no kuti, “Mwe tata, lekeni Yobo eshiwe.”
