Yobo 38:1-41
38 Lyena Yehova ayaswike Yobo mu mwela uukalamba ati:+
2 “Nani uushilefwaya ukuti ubufwayo bwandi bucitikeKabili uulelanda ukwabula ukwishiba ifishinka fyonse?+
3 Ikake mu musana nga filya umwaume wa maka aikaka;Nalakwipusha, na iwe unjasuke.
4 Wali kwi ilyo napangile umufula we sonde?+
Njeba nga ulemona ukuti walishiba ifyo nacitile.
5 Nani uwapingwile ifyo lifwile ukukula, njeba nga walishiba,Nelyo nani uwalipimine ne ntambo ya kupiminako?
6 Ni pali cinshi amashinte ya liko yashimpilwe,Nelyo nani uwabikile ilibwe lye sonde ilya pa koona,+
7 Ilyo intanda sha lucelo+ sha-awilile utupundu pamo,Ilyo abana bonse abaume aba kwa Lesa*+ baweleshe?
8 Kabili nani uwabikile ifiibi kuli bemba pa kuisalila+Ilyo yalompweke mwi fumo,
9 Ilyo nafwikile bemba ikumbiKabili ilyo namupombele mwi kumbi ilyafiita,
10 Ilyo namubikiile umwakupelelaNabikako ne mipindo ne fiibi,+
11 Kabili ilyo natile, ‘Apa e po ulepelela, wilacilapo;Na mabimbi yobe aya cilumba yalepelela pano pene’?+
12 Bushe walitala awebapo ulucelo ifya kucita,Nelyo bushe walitala* aulengapo amacaca yaishiba icifulo ca yako?+
13 Bushe walitala awebapo ulubuuto lwa ku macacaUkuti lufike ku mpela sha pano isonde pa kuti utamfyemo ababifi?+
14 Ulubuuto lulalenga isonde lyalamoneka bwino nga filya ica kufwatikilako cilenga ibumba lyalamoneka bwino,Na fyonse ifyabamo filamoneka bwino nga filya amalangi yamoneka mu ca kufwala.
15 Ababifi balabapoka ulubuuto lwabo,No kuboko bacushishako abantu kulafunika.
16 Bushe walitala auyapo panshi ya bemba apaba utumfukumfuku twa ikoNelyo bushe walitala awendaukamo umo bemba yashika?+
17 Bushe balikulanga impongolo sha mfwa,+Nelyo bushe walimonapo impongolo sha mfifi iyafiitisha?*+
18 Bushe walishiba bwino bwino ifyo isonde lyakula?+
Njeba, nga walishiba ifi fyonse.
19 Ni kwi ukwikala ulubuuto?+
Kabili ni ku cifulo nshi imfifi ikala,
20 Pa kuti ufitwale uko fikalaKabili wishibe inshila ishaya ku ng’anda ya fiko?
21 Bushe pali iyi nshita ninshi walifyalwaKabili imyaka yobe ingi* ica kutila kuti waishiba fyonse ifi?
22 Bushe walingilapo umusungilwa imfula ya bungululu bwabuuta,+Nelyo bushe walimonapo umusungilwa imfula ya mabwe,+
23 Ifyo nasungile nshita ya bucushi,No bushiku bwa nkondo?+
24 Ni mu nshila nshi umo ulubuuto* lusalanganina,Kabili ni kwi umwela wa ku kabanga upuupila pano isonde?+
25 Nani wapangiile imfula umwakupitaNani wapangile inshila umwakupita icipuupu ca mwela ne nkuba,+
26 Pa kuti ilokele apashikala umuntu nangu umo,Mu ciswebebe umushikala abantu,+
27 Pa kuti itapilile impanga ishaonaikaNa pa kuti icani cimene?+
28 Bushe imfula yalikwata wishi,+Nelyo nani wafyele umume?+
29 Ni mwi fumo lya kwa nani umwafumine amenshi makaasa,Kabili nani uwafyele impepo ya ku muulu?+
30 Ilyo amenshi bayafimbile ku caba nge libwe,Kabili ilyo pa muulu wa menshi ayaba apashika pakosele?+
31 Bushe kuti wakaka intambo sha ntanda sha Kima*Nelyo bushe kuti wakakula intambo sha ntanda sha Kesili?*+
32 Bushe kuti watungulula ibumba lya ntanda* mu nshita ya likoNelyo bushe kuti watungulula intanda sha Ashi* kumo na bana ba shiko?
33 Bushe waliyeshiba amafunde ayo ifya mu muulu fikonka,+Nelyo bushe kuti waeba ifya mu muulu ukuti filetungulula ifya pe sonde?
34 Bushe kuti wabilikisha amakumbiPa kuti imfula iikalamba ikuloke?+
35 Bushe kuti watuma ukubyata kwa nkuba?
Bushe kuti kwaisa kuli iwe no kukweba ati, ‘Tuli pano!’
36 Nani wapeele amakumbi*+ amanoNelyo nani uwalengele ifya mu muulu* fileiluka?+
37 Nani uwa mano uwingapenda amakumbi,Nelyo nani uwingasendeka imbeketi sha menshi isha mu muulu+
38 Ilyo ulukungu lusanguka amatipaKabili ilyo ifibungulubwe fya pe sonde fikambantana?
39 Bushe kuti waipaila inkalamo inama ya kulyaNelyo bushe kuti wapeela inkalamo ishishilakota+ ifya kulya ifya kuti shaikuta
40 Ilyo shilebendelela ninshi shili umwafisamaNelyo ilyo shibeleme pa kuti shikate inama?
41 Nani uupekanishisha mwankole+ ifya kulyaIlyo utwana twakwe tulilila kuli Lesa ukuti atwafweKabili ilyo twendauka pa mulandu wa kuti tatukwete ifya kulya?
Amafutunoti
^ Iyi ni nsoselo ya ciHebere iipilibula ukuti bamalaika ba kwa Lesa.
^ Mu ciHebere, “mu nshiku shobe.”
^ Nelyo “icinshingwa ca mfwa.”
^ Mu ciHebere, “inshiku shobe shingi.”
^ Nelyo kuti yapilibula no kuti, “ulubuuto lwa nkuba.”
^ Nalimo ili ibumba lya ntanda ni lilya beta ukuti Orion constellation.
^ Nalimo ishi intanda ni shilya beta ukuti Pleiades stars ishaba mwi bumba lya ntanda ilyo beta ukuti Taurus constellation.
^ Mu ciHebere, “Masarote.”
^ Nalimo ili ibumba lya ntanda ni lilya beta ukuti Great Bear constellation (Ursa Major).
^ Nelyo kuti lyapilibula no kuti, “umuntu.”
^ Nelyo kuti yapilibula no kuti, “mu muntontonkanya.”
