Yobo 4:1-21
4 Lyena Elifasi+ umwina Temani ayaswike ati:
2 “Bushe kuti watendwa umuntu nga alefwaya ukulanda na iwe?
Pantu nani uwingakaana ukulanda?
3 Ca cine, walilungika abengi,Kabili walekosha abanaka.
4 Ifyo walelanda fyalekoselesha bonse abaleipununa,Kabili walekosha abo amakufi yaletutuma.
5 Nomba amacushi nayakuponena, lelo naufilwa ukushipikisha;Nayakukumya kabili naufuupuka.*
6 Bushe ifi utiina Lesa, tafyalenga wamucetekela?
Bushe ifi waba uwa kaele+ tafyalenga waba ne subilo?
7 Ibukisha: Nani uwa kaele uwafwapo?
Bushe walitala aumfwapo uwalungama bamulofya?
8 Ifyo namona fya kuti, abalima* ifyabipaNa babyala amafya bonse basombola cimo cine
9 Umupu wa kwa Lesa ulabepaya,No mwela wa bukali bwakwe ulabalofya.
10 Inkalamo ilabuluma, no mwana wa nkalamo alalila,Lelo na meno ya nkalamo isha maka* yalakontoka.
11 Inkalamo ilafwa nga tapali inama ya kulya,Na bana ba nkalamo balasalangana.
12 Nomba kwaishile umo mu bumfisolo uwaishilenjeba fimo,Kabili aishilentepelesha fye mu kutwi,
13 Mu nshita ya bushiku ilyo abantu balaala utulo utukalambaNalimwene ifimonwa ifyansakamike sana,
14 Natendeke ukututuma nga nshi,Kabili mu mafupa yandi yonse mwali umwenso.
15 Umupashi wapitile pa cinso candi;No bupipi bwandi bwalisakalele.
16 Lyena waliminine,Lelo nshawishibe.
Namwene icintu cimo pa ntanshi yandi;Kwalitalele tondolo, lyena naumfwile ishiwi lileti:
17 ‘Bushe umuntu umwina kufwa kuti aba uwalungama ukucila Lesa?
Bushe umuntu kuti aba uwasanguluka ukucila Uwamupangile?’
18 Mona! Tacetekela ababomfi bakwe,Na muli bamalaika* bakwe alasangamo ifilubo.
19 Alicilapo ukukanacetekela abekala mu mayanda ye loba,Ayo imifula ya iko yaba mu mushili!+Abo bashonaula bwangu nga filya bengashonaula icipelebesha.
20 Ulucelo balaba no mweo, lelo icungulo balabashonaulaBaloba umuyayaya kabili takuba uubikako amano.
21 Bushe tababa nge tenti ilyo bafumyako intambo?
Bafwa imbulwa mano.
Amafutunoti
^ Mu ciHebere, “naufunshika.”
^ Nelyo “abapanga.”
^ Nelyo “inkalamo ishana isha masense.”
^ Nelyo “inkombe.”
