Yobo 7:1-21
7 “Bushe umuntu umwina kufwa pano isonde tacula inshiku shakwe shonseKabili bushe inshiku shakwe tashaba nge nshiku sha mubomfi uubombela amalipilo?+
2 Aba ngo musha uufwaya icintelelwe,Kabili aba ngo mubomfi uulolela amalipilo.+
3 E ico pa myeshi iingi ubumi bwandi bwaba fye ubwa fyeKabili cila bushiku nga bwaila ndacula.+
4 Nga nalaala ntila, ‘Ni lilali buleca?’+
Lelo ubushiku nga bwakokola ukuca, nshilaala mpaka bwaca.
5 Umubili wandi uli ne mititi yeka yeka fye ne fibulungwa fye loba;+Inkanda yandi yalikakabala kabili ilafumya amafina.+
6 Inshiku shandi shilapita ulubilo ukucila ifyo kapikula apisha ico apikwilako ilyo alepikula,+Shilapwa bwangu ica kuti nshikwata ne subilo.+
7 Ibukisheni ukuti ubumi bwandi bwaba ngo mwela,+Kabili nshakabe ne nsansa na kabili.*
8 Amenso ayalemona ine tayakamone na kabili;Mukalafwaya ukumona ine, lelo nshakabepo.+
9 Nga filya ikumbi lisalangana lyaleka no kumoneka,No muntu uuya ku Nshiishi* tabwela.+
10 Takabwelele ku ng’anda yakwe na kabili,Kabili ku ncende aleikala abantu bakamulaba.+
11 E ico nshakekale tondolo.
Nkalanda pa mulandu wa kukalipa kwa mutima wandi;Nkailishanya ninshi umweo wandi naukalipa!+
12 Bushe ndi bemba nelyo shimweshimwe wa muli bemba,Uo mulingile ukulalinda?
13 Nga nalanda ukuti, ‘Icipuna candi cikansansamusha;Ubusanshi bwandi bukacefyako amacushi yandi,’
14 Lyena munenga ndetutuma ku filotoKabili munenga mbe no mwenso ku fimonwa,
15 Ica kuti nsalapo ukufwa pa mulandu wa kukanapema,Kabili nsalapo* imfwa ukucila ukulaikala ifi.*+
16 Nimpata umweo wandi,+ nshilefwaya ukutwalilila ukuba no mweo.
Ndekeni fye, pantu inshiku shandi shaba ngo mupu.+
17 Wanshi umuntunse umwina kufwa uwa kuti muletontonkanyapoKabili wanshi uwa kuti mubikeko amano?*+
18 Cinshi mu mupempwila cila lucelo,Kabili cinshi mumwesesha cila nshita?+
19 Ni lilali mukaleka ukundoleshaPa kuti nkakwateko inshita ya kumina amate?+
20 Nga nalibembuka, cinshi ningacita kuli imwe, Mwe bamona fyonse ifyo abantu bacita?+
Cinshi mundolesesha?
Bushe nomba ndi cisendo kuli imwe?
21 Cinshi ico mushambelela uluse pa membu shandiNo kusuulako ku filubo fyandi?
Pantu nomba line ndi no kulaala mu lukungu,+Kabili mukamfwaya, lelo nshakabepo.”
Amafutunoti
^ Mu ciHebere, “amenso yandi tayakamone ubusuma.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “umweo wandi usalapo.”
^ Mu ciHebere, “ukucila amafupa yandi.”
^ Mu ciHebere, “mubikepo umutima.”
