Yobo 8:1-22
8 Lyena Bildadi+ umwina Shuhi+ alandile ati:
2 “Bushe ukaleka lilali ukulanda ifi?+
Ifyo ulelanda fili fye kwati mwela uukalamba!
3 Bushe Lesa kuti anyonganya ubupingushi,Nelyo bushe Uwa Maka Yonse kuti anyonganya icalungama?
4 Abana bobe bafwile balimubembukile,E co abalofeshe pa fyo bacitile;
5 Lelo nga wa-alukila kuli Lesa+Kabili wapaapaata Uwa Maka Yonse ukuti akubelele uluse,
6 Nga ca kuti wali uwasanguluka kabili uwalungama,+Nga alikubikako amanoKabili nga alilenga ifintu fyobe fyaba ifyo fyali kale.
7 Kabili nangu ca kuti intendekelo yobe yali iinono,Ku ntanshi ifintu fikakuwamina.+
8 Ipusha ifikolwe fyesu,Kabili ubike amano ku fyo ifikolwe fyabo fyasangile.+
9 Pantu ifwe twafyelwe fye mailo, kabili tatwaishiba nangu cimo,Pantu inshiku shesu pano isonde shaba nge cinshingwa.
10 Bushe tabakakufundeNo kukweba ifyo baishiba?*
11 Bushe amacinda kuti yamena ukushaba amatipa?
Bushe amatete kuti yamena ukushaba amenshi?
12 Ilyo fishilabalula kabili ilyo bashilafiteeta,Filoma bwangu ukucila ifimenwa fimbi.
13 Ifi e ficitikila* bonse abasha Lesa,Pantu ifyo umubifi* asubila tafyakacitike,
14 Uucetekela ifya fyeKabili uucetekela ifya naka nge sumbu* lya kwa tandabube.
15 Akashintilila ku ng’anda yakwe, na yo ikabongoloka;Akesha ukuikatilila, lelo ikabongoloka.
16 Aba nge cimenwa icaba sana na menshi icili pa kasuba,Icaba ne misambo iyasalanganina mwi bala.+
17 Mu mwina wa mabwe e mo imishila ya ciko ipikana;Mu mabwe* e mo cifwaya ing’anda.
18 Lelo nga bacinukula pa cifulo camena,Cilya cifulo cikakaana aciti, ‘Nshakumonapo.’+
19 Ifi fine e fyo cikaloba!*+Lyena ifimenwa fimbi fikamena mu mushili.
20 Ukwabula no kutwishika, Lesa takashe aba kaele;*Kabili takafwilishe* ababifi,
21 Pantu akalenga ukasekeKabili ukasekelele na kabili.
22 Abakupata bakomfwa insoni,Kabili itenti lya babifi talyakabepo.”
Amafutunoti
^ Mu ciHebere, “no kufumya amashiwi mu mitima yabo.”
^ Mu ciHebere, “e fyaba inshila ya.”
^ Nelyo “umusangu.”
^ Mu ciHebere, “ing’anda.”
^ Nelyo “cifwaya ing’anda ya mabwe.”
^ Nelyo “e fyo inshila ya ciko ikaloba.”
^ Nelyo “abashaba na mulandu.”
^ Mu ciHebere, “takekate ukuboko kwa.”
