Yoele 2:1-32
2 “Lisheni ipenga mu Sione!+
Welesheni ukuwelesha kwa nkondo mu lupili lwandi ulwa mushilo.
Lekeni abekashi ba mu calo* bonse batutume,Pantu ubushiku bwa kwa Yehova buleisa!+ Kabili nabupalama!
2 Bushiku bwa mfifi kabili ubwafiita fititi,+Bushiku bwa makumbi kabili ubwafiitisha,+Kwati lubuuto lwa ku macaca ulusanike pa mpili.
Kuli abantu abengi kabili aba maka;+Takwatala akuba abantu abafula nga aba,Kabili takwakatale akubaMu nkulo shonse.
3 Ku ntanshi yabo kuli umulilo uuleoca,Kabili ku numa yabo nako kuli umulilo uuleoca.+
Icalo ico baleingilamo caba nge bala lya Edeni,+Lelo ilyo bafumamo cashala nga matololo umushaba akantu nangu kamo,Kabili takuli icintu nangu cimo icingapusuka.
4 Bamoneka kwati ni bakabalwe,Kabili babutuka kwati ni bakabalwe ba nkondo.+
5 Icongo cabo ilyo baletolauka pa muulu wa mpili+ ciba nge ciunda ca maceleta,Kabili cumfwika ngo kubilima kwa mulilo uuleoca icani.
Baba nga baume aba maka, abaleipekanya ukuya ku nkondo.+
6 Bakalenga abantu abengi bakacule.
Kabili bakalenga bonse bakabe no mwenso.
7 Babutuka nga baume aba maka,Banina ifibumba nga bashilika,Nga balebutuka cila mushilika alungama fye uko aleya,Kabili bonse tabapaasuka.
8 Pa kubutuka tabasunkana;Takuba uupaasuka.
Nga ca kuti bamo babepaya,Abashala batwalilila fye ukubutuka.
9 Balabutukila mu misumba, balabutuka pa fibumba.
Balanina pa mayanda, kabili bengilila pa mawindo kwati bapuupu.
10 Balalenga icalo catenkaana ne myulu yasunkaana.
Akasuba no mweshi fyafiita,+Kabili intanda nasho shaleka ukusanika.
11 Yehova akasanswila ishiwi lyakwe pa ntanshi ya bashilika bakwe,+ pantu ibumba lyakwe ilya bashilika likalamba sana.+
Pantu Lesa uulecita ifyo alefwaya wa maka;Pantu ubushiku bwa kwa Yehova bukalamba kabili bwa kutiinya icine cine.+
Nani engabushipikisha?”+
12 Yehova aletila, “na pali ino ine nshita, bweleleni kuli ine ne mitima yenu yonse,+Fungeni,+ lileni kabili pumenipo imisowa.
13 Lepuleni imitima yenu,+ mwilepula ifya kufwala,+Kabili bweleleni kuli Yehova Lesa wenu,Pantu wa cikuuku* kabili wa luse, alakokola ukukalipa+ kabili aliba sana no kutemwa ukushipwa,+Kabili takamuletele amacushi* ayo ali no kumuletela.
14 Nani eshibe nalimo Lesa akaaluka kabili takamuletele amacushi+Lelo akamupaala,Pa kuti mwingatuulila Yehova Lesa wenu umutuulo wa ngano no mutuulo wa fya kunwa?
15 Lisheni ipenga mu Sione!
Bilisheni ukuti abantu batendeke ukufunga; kabili balongane ukulongana ukwacindama.+
16 Longanyeni abantu; sangululeni ulukuta.+
Longanyeni abaume abakalamba, abana no tunya.+
Lekeni shibwinga afume mu muputule wakwe uwa mu kati, lekeni nabwinga na o afume mu muputule wakwe uwa bunabwinga.
17 Pa kati ka muputule wa kwingililapo ne ciipailo+E po bashimapepo, ababomfi ba kwa Yehova balilile, kabili batile:
‘Mwe Yehova, umfwileni abantu benu* uluse;Mwileka abantu baleseka abantu benu,Mwileka abena fyalo baleteka abantu benu
Cinshi mwingalekela abantu balalanda abati: “Ali kwi Lesa wabo?”’+
18 Lyena Yehova akacingilila icalo cakweKabili akabelela abantu bakwe uluse.+
19 Yehova akaasuka abantu bakwe ati:
‘Moneni namutumina ingano no mwangashi uupya na mafuta,Kabili mukekuta sana+Nshakaleke abantu ba mu nko+ bakatwalilile ukumuseka.
20 Nkatamfisha abalwani benu aba ku kapinda ka ku kuso ukutali;Nkabasalanganishisha mu calo icauma kabili icashala icibolya,Abashilika babo aba ku ntanshi nkabasalanganishisha kuli bemba wa ku kabanga*E lyo abashilika babo aba ku numa nkabasalanganishisha kuli bemba wa ku masamba.*
Ifitumbi fyabo fikalanunkaKabili fikalanunka piipi mpanga yonse;+Pantu Lesa akacita ifintu ifikalamba.’
21 Witiina we calo.
Sekelela kabili anga pantu Yehova akakucitila ifintu ifikalamba.
22 Mwitiina mwe nama sha mu mpanga,Pantu mu matololo mukaba umulemfwe uuteku,+Kabili ifimuti fikatwala ifisabo;+Imikunyu ne myangashi ikatwalisha.+
23 Mwe bantu ba mu Sione,* sekeleleni kabili angeni pa fyo Yehova Lesa wenu+ akacita;Pantu akamupeela imfula ya kubangilila iyalinga,Kabili akalenga mukalekwata imfula iikalamba,Akalamupeela imfula ya kubangilila ne ya kulekeleshako, nga fintu alemupeela kale.+
24 Apakupumina ingano pakesula ingano ishisuma,Kabili ifya kukaminamo umwangashi uupya fikalapala, ne fya kukaminamo amafuta+ nafyo fine fikalapala.
25 Kabili nkamubwesesha fyonse ifyaonaike pa myaka iingiIfyo makanta wa kubalilapo aliile, ifyo makanta wa bubili aliile, ifyo abana ba makanta baliile ne fyo makanta wa kulekeleshako aliile,E kutila ifyo abashilika bandi abo namutumiine+ baonawile.
26 Mukalalya ica kuti mukalaikuta,+Kabili mukalalumbanya ishina lya kwa Yehova Lesa wenu,+Uumucitiile ifipesha amano;Abantu bandi tabakatale abaseebanapo na kabili.+
27 Kabili mukeshiba ukuti, naba na bena Israele+No kuti nine Yehova Lesa wenu+ kabili takwaba umbi!
Abantu bandi tabakatale abaseebanapo na kabili.
28 Pa numa ya ifi nkapongolwela umupashi wandi+ pa bantu bonse,Kabili abana benu abaume na bana benu abanakashi bakalasesema,Abaume benu abakalamba bakalalota ifiloto,Kabili abalumendo benu bakalamona ifimonwa.+
29 Muli isho nshiku nkapongolwela umupashi wandiNa pa basha abaume na pa basha abanakashi abakalamombela.
30 Kabili nkacita ifipesha amano* mu muulu na pe sonde,Kukaba umulopa, umulilo e lyo ne cushi.+
31 Ilyo ubushiku bwa kwa Yehova+ ubukalamba kabili ubwa kutiinya bushilafikaAkasuba kakafiita kabili umweshi ukaaluka umulopa.+
32 Lelo bonse abalilila kuli Yehova no kulumbula ishina lyakwe bakapusuka;+Pantu mu lupili lwa Sione na mu Yerusalemu mukaba abakapusuka,+ nga fintu Yehova alandile,Abakapusuka bantu abo Yehova akalaita.”
Amafutunoti
^ Nelyo “isonde.”
^ Nelyo “inkumbu.”
^ Nelyo “akalanguluka pa macushi.”
^ Mu ciHebere, “ubupyani bwenu.”
^ E kutila, Bemba Wafwa.
^ E kutila, Bemba wa Mediterranean.
^ Mu ciHebere, “abana baume ba mu Sione.”
^ Nelyo “ifisungusho.”
