Yona 2:1-10
2 Lyena Yona apepele kuli Yehova Lesa wakwe ninshi ali mu nda ya cisabi,+
2 apepele ati:
“Ilyo nalecula naliliile kuli imwe mwe Yehova, kabili mwalinjaswike.+
Ilyo nali panshi* ya Nshiishi* nalilombele ukuti mungafwe.+
Na imwe mwaling’umfwile.
3 Ilyo mwampoosele muli bemba uwapabuka kabili uwashika,Lyena amenshi aya mukuku yalinshingulwike.+
Amabimbi yenu aya maka yalepita pa muulu wandi.+
4 Kabili natile, ‘Namuntamfya pa cinso cenu!
Bushe nkatala monapo itempele lyenu ilya mushilo na kabili?’
5 Amenshi yalinshingulwike ica kuti nali mupepi no kufwa;+Nalibiile mu menshi apashika.
Kabili ifitabilila fya muli bemba fyalimpombele ku mutwe.
6 Nalibiile ukuyafika na panshi ya mpili.
Isonde lyalinjisaliile impongolo sha liko umuyayaya.
Kabili nali mu kati ka liko, lelo mu cilindi e mo mwamfumishe, mwe Yehova Lesa wandi.+
7 Ilyo nali mupepi no kufwa,* nalimwibukishe mwe Yehova.+
Lyena mwalyumfwile ipepo lyandi, mwi tempele lyenu ilya mushilo.+
8 Abapepa utulubi utwa fye, basuula intulo yabo iya kutemwa ukushipwa.*
9 Nkamutootela kabili nkamutuula ilambo.
Ico nalaya, nkafikilisha.+
Yehova alapususha.”+
10 E lyo Yehova aebele icisabi ukuti cilukile Yona ku mulundu, na co calimulukile.
Amafutunoti
^ Mu ciHebere, “mu nda.”
^ Nelyo “Sheol,” e kuti inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “ilyo umweo wandi wali mupepi no kufwa.”
^ Nelyo kuti yapilibula no kuti “basuula bucishinka bwabo.”
