Yoshua 12:1-24
12 Nomba ishi e mfumu isho abena Israele bacimfishe kabili isho bapokele ifyalo fya shiko ku kabanga ka Yordani, ukutendekela pa Mupokapoka wa Arnone+ ukuyafika na ku Lupili lwa Hermone+ ne ncende yonse iya ku kabanga ka Araba:+
2 Imfumu Sihone+ iya bena Amore, iyaleikala mu Heshebone, kabili iyaletekela mu musumba wa Aroere,+ uwali mu mbali ya Mupokapoka wa Arnone,+ kabili incende yonse iyo yaleteka yatendekele pa kati ka mupokapoka, na hafu wa Gileadi ukufika fye na ku Mupokapoka wa Yaboke, uwali umupaka wa bena Amone.
3 Na kabili yaleteka incende ya ku kabanga ka Araba ukuyafika kuli Bemba wa Kinerete*+ ukuyafika fye na kuli Bemba wa Araba, Bemba ya Mucele,* ku kabanga ukulola ku Bete-yeshimote, na ku kapinda ka ku kulyo mu mitentemuko ya Pisga.+
4 Imfumu na imbi iyo bacimfishe ni Oge+ imfumu ya Bashani, uwali pa bena Refaimu+ abashelepo, uwaleikala mu Ashitarote na mu Edrei
5 kabili uwaleteka mu Lupili lwa Hermone, mu Saleka, na mu Bashani+ monse, ukuyafika fye na ku mupaka wa bena Geshuri na bena Maakati,+ na hafu ya Gileadi, ukuyafika ku mupaka wa Mfumu Sihone iya Heshebone.+
6 Mose umubomfi wa kwa Yehova na bena Israele e bashicimfishe.+ Lyena Mose umubomfi wa kwa Yehova apeele abena Rubene, abena Gadi na hafu wa mukowa wa kwa Manase+ icalo pa kuti cibe icalo cabo.
7 Ishi e mfumu isho Yoshua na bena Israele bacimfishe ku masamba ya Yordani, ukutampila ku Baali-gadi+ mu Mupokapoka wa Lebanone+ ukuyafika fye na ku Lupili lwa Halaki,+ ulwafika ku Seiri.+ Pa numa Yoshua ayakenye abena Israele ifyalo fya ishi mfumu ukulingana ne mikowa yabo.+
8 Pali ifi ifyalo pali icitungu ca mpili, Shefela, Araba, incende ya mitentemuko, amatololo, ne calo ca Negebu,+ umwaleikala abena Hiti, abena Amore,+ abena Kanaani, abena Perisi, abena Hibi na bena Yebusi:+
9 Imfumu ya Yeriko,+ imo; imfumu ya Ai,+ umusumba uwali mupepi na Betele, imo;
10 imfumu ya Yerusalemu, imo; imfumu ya Hebrone,+ imo;
11 imfumu ya Yarimuti, imo; imfumu ya Lakishi, imo;
12 imfumu ya Egelone, imo; imfumu ya Gesere,+ imo;
13 imfumu ya Debiri,+ imo; imfumu ya Gedere, imo;
14 imfumu ya Horma, imo; imfumu ya Aradi, imo;
15 imfumu ya Libna,+ imo; imfumu ya Adulamu, imo;
16 imfumu ya Makeda,+ imo; imfumu ya Betele,+ imo;
17 imfumu ya Tapua, imo; imfumu ya Hefere, imo;
18 imfumu ya Afeke, imo; imfumu ya Lasharone, imo;
19 imfumu ya Madone, imo; imfumu ya Hasore,+ imo;
20 imfumu ya Shimrone-merone, imo; imfumu ya Akishafi, imo;
21 imfumu ya Taanaki, imo; imfumu ya Megido, imo;
22 imfumu ya Kedeshe, imo; imfumu ya Yokeneamu+ ku Karmele, imo;
23 imfumu ya Dore pa mitentemuko ya Dore,+ imo; imfumu ya Goimu mu Gilgali, imo;
24 imfumu ya Tesa, imo; imfumu shonse pamo shali 31.
