Pa numa ya mwaka wa 4026 B.C.E.

“Insoka” yasuusha insambu Yehova akwata isha kuteka e lyo ne mitekele yakwe. Yehova alaya ukuti kukaba “umwana” nelyo “ulubuto,” uukafwanta insoka, Satana. (Ukutendeka 3:1-5, 15, futunoti) Lelo Yehova apeela abantu inshita ya kuti baleiteka ilyo Satana alebatungulula.

Mu 1943 B.C.E.

Yehova aeba Abrahamu ukuti “umwana” uo alaya ukuti akabako akatuntuka muli ena.—Ukutendeka 22:18.

Pa numa ya mwaka wa 1070 B.C.E.

Yehova aeba Imfumu Davidi no mwana wa iko Solomone ukuti “umwana” uo alaile ukuti akabako akatutunka mu lupwa lwabo.—2 Samwele 7:12, 16; 1 Ishamfumu 9:3-5; Esaya 9:6, 7.

Mu 29 C.E.

Yehova alanda ukuti Yesu e “mwana” uo alaile ukuti e ukapyana pa cipuna ca bufumu ica kwa Davidi.—Abena Galatia 3:16; Luka 1: 31-33; 3:21, 22.

 Mu 33 C.E.

Insoka, Satana, asuma “umwana” uwalaiwe, e kutila aipaya Yesu. Yehova abuusha Yesu no bumi bwa ku muulu kabili apokelela umutengo wa bumi bwa kwa Yesu ubwapwililika pa kuti ale-elela imembu na pa kuti apeele abatuntuka muli Adamu umweo wa muyayaya.—Ukutendeka 3:15; Imilimo 2:32-36; 1 Abena Korinti 15:21, 22.

Nalimo mu 1914 C.E.

Yesu apoosa insoka, Satana, pe sonde kabili amuleka pe sonde pa nshita iinono.—Ukusokolola 12:7-9, 12.

Ku Ntanshi

Yesu akaka Satana pa myaka 1,000, lyena pa numa amwipaya. Mu mampalanya, amufwanta ku mutwe. Yehova afikilisha ifyo alaile abantu kabili alenga isonde lyaba ifyo alefwaya libe pa kubala. Umuseebanya wafuma pe shina lyakwe kabili caishibikwa ukuti e walinga ukuteka.—Ukusokolola 20:1-3, 10; 21:3, 4.