TAKWALI nangu umo uwalebatungulula isambililo lya Baibolo. Nomba ilyo babelengele fye ifitabo fibili, Salvation na The Harp of God, balishininkishe ukuti balisangile icine.

Bushiku bumo pa Mulungu ulucelo mu 1941, ba Zachaeus baile ku kulongana kwa Nte sha kwa Yehova pa muku wa kubalilapo, batentemwike ulupili ulutali apalepele amakilomita 8. Apo tabaishibe inshita ya kulongana, balibangilile sana. E ico balikele balalolela ababwananyina. Ilyo fye basangilweko ku kulongana kwa pa Mulungu imiku itatu, baebele aba ku calici ca Anglican ukuti babafuute.

Umunabo sana, uo balepepa nankwe ku Anglican, alibakalipiile ati, “Shikulubantu, ala nga watwalilila ukuninika no kutentemuka ulu lupili, ukulaya ku Ng’anda ya Bufumu, umwaka tawapwe walafwa.” Uyu muntu alemona uko ba Zachaeus baletumbika ulupili no kutentemuka imiku ibili mu mulungu pa myaka isano. Lelo uyu wine cibusa wabo e wafwile! Pa numa ya myaka 25, ba Zachaeus bali fye abakosa ndi.

Ba Zachaeus balibombeele Yehova ne cishinka ukufika na lintu bafwile ne myaka 97