APO bakapepa ba cine basumina ukuti Yehova e ntulo ya lubuuto lwa ku mupashi, lyonse bapepa ukuti ‘ulubuuto ne cine’ filebatungulula. (Amalu. 43:3) Abantu abengi muli cino calo baba mu mfiifi ya ku mupashi, lelo Lesa alitwalilila ukusanika ulubuuto pa bantu bakwe. E ico inshila yabo “yaba ngo lubuuto lwa lucelo uluya lulebuutilako fye ukufikila akasuba kasaama.” (Amapi. 4:18) Yehova alabasanikila ulubuuto pantu alabatungulula mu cilonganino cabo, mu fyo basuminamo na mu mibele yabo. Bushe kwaluka nshi mu fyo twasuminamo ukwacitika muno nshiku?