ULUBATISHO Baeluda nabapekanya ukuti abafikilepo ukubatishiwa bakabatishiwe pa numa ya kutamba ukulongana kwa lucelo ukwa pa bushiku bwalenga shibili.

IMISANGULO Balepilibwila kuno kulongana kwa citungu mu ndimi ukucila 400. Indalama isho musangwilako, shilafwilisha uyu umulimo. Kuti mwasangwilako ukubomfya Intaneti nga mwaya pa donate.pr418.com. Nga mulefwaya ukwishiba ifya kucita pa kusangwilako kuti mwaipusha baeluda. Tulamutasha icine cine pa fyo musangwilako kuli uyu umulimo. Na kabili Ibumba Litungulula lilemutasha sana pa fyo mutungilila imilimo ya Bufumu.

ISUKULU LYA BAKABILA BA BUFUMU Bapainiya abali ne myaka 23 ukufika kuli 65 abalefwaya ukulabomba sana umulimo wa kushimikila, kuti balanda na kalemba wa mu cilonganino baba pa kuti engabapeela formu ya kwipushishapo ukusangwa kwi Sukulu lya Bakabila ba Bufumu.