Abafyashi
Finshi fimo ifyalengele ukuti Yehova abikeko icupo?
Bushe abafyashi bafwile ukulamona shani abana babo?
Moneni na paleti “Abana; Abalumendo na Bakashana”
-
AMALYASHI YA MU BAIBO AYO TWINGASAMBILILAKO:
-
Ukt 33:4, 5—Yakobo alemona abana bakwe ukuti bupe ubo Yehova amupeele
-
Ukf 1:15, 16, 22; 2:1-4; 6:20—Ilyo Amramu na Yokebede bafyele Mose, bali-iteyenye no kufwilapo pa kuti bamucingilile
-
Finshi abafyashi bafwile ukucitila abana babo?
Amg 6:6, 7; 11:18, 19; Amp 22:6; 2Ko 12:14; 1Ti 5:8
-
AMALYASHI YA MU BAIBO AYO TWINGASAMBILILAKO:
-
1Sa 1:1-4—Elkana aleya no lupwa lwakwe ku mitebeto iyalebeela ku Shilo pantu alefwaya ukulapepela pamo na bana bakwe
-
Lk 2:39, 41—Yosefe na Maria baleya lyonse na bana babo ku Yerusalemu ku mutebeto wa Cakucilila ukufuma ku Nasarete
-
Busuma nshi bwaba mu kusambilisha abana ukulaumfwila Yehova?
Moneni na 2Ti 3:14, 15
-
AMALYASHI YA MU BAIBO AYO TWINGASAMBILILAKO:
-
1Sa 2:18-21, 26; 3:19—Abafyashi ba kwa Samwele balipeele Lesa umwana wabo pa kuti alebombela pe tenti lya mushilo, na lyo line baleya mu kumumona lyonse kabili balemutwalilako ne fyo alekabila; akulile ninshi alitemwa sana Yehova kabili alemubombela ne cishinka
-
Lk 2:51, 52—Yesu aleumfwila abafyashi bakwe nangu ca kuti tabapwililike
-
Ni kwi abafyashi bengafumya ifingalenga bakusha bwino abana babo?
Amg 6:4-9; Ef 6:4; 2Ti 3:14-17
-
AMALYASHI YA MU BAIBO AYO TWINGASAMBILILAKO:
-
Aba 13:2-8—Ilyo Manoa bamwebele ukuti umukashi wakwe akakwata umwana mu cisungusho, alipwishe ifyo bali no kucita pa kuti bakakushe bwino umwana
-
Am 78:3-8—Yehova afwaya ukuti abafyashi balesambilishako abana babo ifyo baishiba ifyaba mu Baibo
-
Nangu ca kuti umwana akulila mu lupwa ulwatemwa Lesa, cinshi nalimo cingalenga aleka ukubombela Yehova?
-
AMALYASHI YA MU BAIBO AYO TWINGASAMBILILAKO:
-
Ukt 6:1-5; Yu 6—Nanga ca kuti bamalaika balikele imyaka iingi nga nshi na Yehova ku muulu, abengi balimupondokeele
-
1Sa 8:1-3 —Nanga ca kuti Samwele ali uwa cishinka kabili uwalungama, abana bakwe tabali ne cishinka kabili balecita ifyabipa
-
Ni lilali abafyashi balingile ukutendeka ukusambilisha abana babo ukulacita ifyo Lesa afwaya?
-
AMALYASHI YA MU BAIBO AYO TWINGASAMBILILAKO:
-
Amg 29:10-12, 29; 31:12; Esr 10:1—Ilyo abena Israele balelongana pamo pa kuti basambilile pali Yehova, balesenda abana babo pa kuti nabo basambilile pali Yehova
-
Lk 2:41-52—Yosefe na Maria baleya lyonse na bana babo kumo na Yesu kwi tempele mu Yerusalemu ku mutebeto wa Cakucilila
-
Ni bani abafyashi balingile ukulapashanya pa kuti balecingilila abana babo ku bengafwaya ukucita ifyabipa kuli bena?
-
AMALYASHI YA MU BAIBO AYO TWINGASAMBILILAKO:
-
Ukf 19:4; Amg 32:11, 12—Yehova aipashanya kuli filya kapumpe asenda utwana twakwe, ifyo atucingilila ne fyo atusakamana
-
Es 49:15—Yehova alilaya ukuti akalasakamana no kucingilila ababomfi bakwe ukucila na pa fyo nyina uwaba no luse asakamana umwana wakwe
-
Mt 2:1-16—Satana alefwaya ukwipaya Yesu ilyo ali akanya lintu atungulwile abalebukila ku ntanda ku Mfumu Herode, lelo Yehova alicingilile Umwana wakwe ilyo aebele Yosefe ukuti aye no lupwa lwakwe ku Egupti
-
Mt 23:37—Yesu alingenye ifyo afwaisha ukwafwa abantu bakwe kuli filya nankoko alonganika no kucingilila utwana mu mapindo yakwe
-
Cinshi abafyashi balingile ukusambilishisha abana babo pa kulaala pamo ukwa mwaume no mwanakashi?
-
AMALYASHI YA MU BAIBO AYO TWINGASAMBILILAKO:
-
Le 15:2, 3, 16, 18, 19; Amg 31:10-13—Amafunde ya kwa Mose yalilanda ukwabula ukupita na mu mbali pa fyo Yehova amona ukulaala pamo ukwa mwaume no mwanakashi, kabili Yehova alandile ukuti abana balingile ukubapo ilyo balebelenga aya mafunde
-
Am 139:13-16—Davidi uwaimbile amalumbo alilumbenye Yehova pa fyo apanga bwino umubili wa muntu kumo ne filundwa ifilenga abantu balekwata abana
-
Amp 2:10-15—Ukwishiba Yehova, e lyo na mano ayo atupeela kuti fyatucingilila ku bantu abacita ifyabipa kabili aba bucenjeshi
-
Mulandu nshi abafyashi balingile ukubela no kutemwa ilyo balesalapula abana babo?
Amp 13:24; 29:17; Ye 30:11; Ef 6:4
Moneni na Am 25:8; 145:9; Ko 3:21
-
AMALYASHI YA MU BAIBO AYO TWINGASAMBILILAKO:
-
Am 32:1-5—Nangu ca kuti Yehova alisalapwile Imfumu Davidi pa lubembu yacitile, yalitemenwe ilyo yaishibe ukuti Yehova alelela umuntu nga alapila ukufuma panshi ya mutima
-
Yn 4:1-11—Kasesema Yona alikalipe kabili tali no mucinshi ilyo alelanda na Yehova, lelo Yehova alimutekanishishe pa ku musambilisha ifyo alingile ukuba no luse
-
Cinshi twingalandila ukuti abafyashi nga balesalapula abana babo ninshi balibatemwa?
Moneni na Amp 15:32; Uks 3:19
Nalimo Kuti Mwatemwako ne fi
LOLENI!
Ifingafwa Indupwa—Mulecita Ifingalenga Abana Balamupashanya
Nga mulefwaya abana balemumfwila, mufwile ukulacita ifyo mulanda.
ULUPUNGU LWA KWA KALINDA
Ifyo Ukukwata Abana Kwingalenga Icupo Ukwaluka
ULUPUNGU LWA KWA KALINDA
Finshi Filenga Umuntu aba Umufyashi Umusuma
Finshi abafyashi balingile ukucita pa kuti balekusha bwino abana?
ULUPUNGU LWA KWA KALINDA—ULWA KUSAMBILILAMO
Mwe Bafyashi
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
