AMALYASHI YA MU BAIBO AYO TWINGASAMBILILAKO:

• 1Sa 15:​17-23​—Kasesema Samwele alikalipiile Imfumu Shauli pa fyo ishaumfwilile Yehova; lyena Samwele alandile pa fyo ukuba ne cumfwila kwacindamina

• He 5:​7-10​—Nangu ca kuti Yesu Umwana wa kwa Lesa alipwililika, alisambilile ukuba ne cumfwila ilyo balemucusha pano isonde

AMALYASHI YA MU BAIBO AYO TWINGASAMBILILAKO:

• Da 3:​13-​18​—Nangu ca kuti abaHebere batatu aba cishinka bali no kubepailapo, balikeene ukukontamina icimpashanya ico Imfumu Nebukadnesari yapangile

• Mt 22:​15-22​—Yesu aebele abasambi bakwe ukuti baleumfwila ubuteko, kano fye ubuteko nga bwabeba ukucita ifingalenga bakaana ukumfwila Yehova Lesa

• Imi 4:​18-31​—Na lintu intungulushi shaebele abatumwa ukuti baleke ukubila imbila nsuma, balishipile kabili balitwalilile ukubila

AMALYASHI YA MU BAIBO AYO TWINGASAMBILILAKO:

• Esr 7:​7-10​—Shimapepo Esra uwali ne cishinka aliteyenye umutima wakwe pa kuti abe pa ntanshi mu kukonka amafunde ya kwa Lesa no kulasambilisha abantu

• Yoh 14:31​—Yesu alilondolwele ico alecitila fye ifyo Wishi alemweba ukucita

AMALYASHI YA MU BAIBO AYO TWINGASAMBILILAKO:

• Ukt 6:​9-22; He 11:7​—Noa alilangile ukuti ali ne citetekelo ilyo apangile icibwato, nga “filya fine fye” Yehova amwebele

• He 11:​8, 9, 17​—Abrahamu alilangile ukuti ali ne citetekelo ilyo acitile ifyo Yehova amwebele ukuti afume mu Uri, na lintu amwebele ukuti atuule umwana wakwe

AMALYASHI YA MU BAIBO AYO TWINGASAMBILILAKO:

• Le 26:​3-6​—Yehova alilaya ukuti akulapaala abamumfwila kabili akulabasakamana

• Imp 13:​30, 31; 14:​22-24​—Kalebu ali ne cumfwila kabili Yehova alimupaalile

AMALYASHI YA MU BAIBO AYO TWINGASAMBILILAKO:

• Ukt 2:​16, 17; 3:​17-19​—Pa mulandu wa kuti Adamu na Efa tabaumfwilile Yehova Lesa, balipanishe ishuko lya kwikala mu Paradaise, ukuba abapwililika no kulaikala umuyayaya

• Amg 18:​18, 19; Imi 3:​12, 18, 22, 23​—Yehova alisobele ukuti Kasesema uwacila Mose akesa kabili abashakulamumfwila bakabakanda

• Yu 6, 7​—Bamalaika abapondokeele Lesa e lyo na bantu abaleikala mu Sodomu na mu Gomora balikalifye Yehova pantu tabalemumfwila

AMALYASHI YA MU BAIBO AYO TWINGASAMBILILAKO:

• Yoh 12:​46-48; 14:24​—Yesu alandile ukuti umuntu nga akaana ukukonka ifyo alanda, bali no kumupingula

AMALYASHI YA MU BAIBO AYO TWINGASAMBILILAKO:

• Ukt 37:​3, 4, 8, 11-13, 18​—Ilyo Yosefe ali umwaice alicitile ifyo wishi amwebele ukuti aye atandalile bamunyina, nangu ca kuti balimupatile

• Lu 2:​51​—Yesu aleumfwila Yosefe na Maria abali abashapwililika, nangu ca kuti ena ali uwapwililika