Incito
Bushe incito kuti yalenga shani umuntu alasekelela?
Busuma nshi bwaba mu kusambilila incito no kwishiba bwino ifya kuibomba?
-
AMALYASHI YA MU BAIBO AYO TWINGASAMBILILAKO:
-
1Sa 16:16-23—Ilyo Davidi ali umulumendo, aishibikwe ukuti alelisha bwino sana icilimba no kwimba, kabili inyimbo aleimba shalelenga imfumu ya bena Israele ileumfwako bwino kabili yalimutemenwe
-
2Im 2:13, 14 —Hiramu-abi alishibe sana ukubomba imilimo, e ico Imfumu Solomone yalimubomfeshe ku mulimo uukalamba uwa kukuula itempele
-
Cinshi ababomfi ba kwa Yehova bafwaila ukwishibikwa ukuti balabombesha?
-
AMALYASHI YA MU BAIBO AYO TWINGASAMBILILAKO:
-
Ukt 24:10-21—Rebeka alitemenwe ukwafwa abantu kabili alebombesha. Ifyo acitiile umubomfi wa kwa Abrahamu fyalicilile na pa fyo amulombele
-
Flp 2:19-23—Umutumwa Paulo alipeele Timote umulimo uwacindama nga nshi, pantu ali uwaicefya kabili aleipeelesha pa kuti afwe abantu
-
Mulandu nshi ababomfi ba kwa Lesa bashifwaila ukubela abanang’ani?
Amp 13:4; 18:9; 21:25, 26; Lkm 10:18
-
AMALYASHI YA MU BAIBO AYO TWINGASAMBILILAKO:
-
Amp 6:6-11—Imfumu Solomone yalandile pa tunyelele pa kutusambilisha ifyo tulingile ukulabombesha na pa fyo tushilingile ukuba abanang’ani
-
Cinshi tulingile ukulabombesesha pa kuti tulekwata ifyo tukabila?
Mulandu nshi tulingile ukulabombesesha pa kuti tulesakamana ulupwa lwesu?
-
AMALYASHI YA MU BAIBO AYO TWINGASAMBILILAKO:
-
Ru 1:16, 17; 2:2, 3, 6, 7, 17, 18—Ruti mukamfwilwa alebombesha pa kuti alesakamana Naomi nafyala
-
Mt 15:4-9—Yesu alisuushishe bonse abashalefwaya ukusakamana abafyashi babo pa mulandu wa kuti balebepekesha ukutila balebombela Lesa
-
Cinshi tulingile ukulapeelelako abanensu ifyo tukwata pa mulandu wa kuti tulabombesha?
Bushe tufwile ukulamona shani indalama tukwata nga twabomba incito?
Twaishiba shani ukuti Yehova alafwaya ukutwafwa pa kuti tulebomba bwino na pa kuti tulekwata ifyo tukabila?
Mt 6:25, 30-32; Lk 11:2, 3; 2Ko 9:10
-
AMALYASHI YA MU BAIBO AYO TWINGASAMBILILAKO:
-
Ukt 31:3-13—Labani talesunga bwino umupongoshi wakwe Yakobo kabili uwali umubomfi wakwe, lelo Yehova alimwene ifyo Yakobo alebombesha kabili alimupaalile
-
Ukt 39:1-6, 20-23—Yehova alepaala umulimo onse uo Yosefe alebomba ilyo ali umusha mu ng’anda ya kwa Potifa, na lintu ali mu cifungo
-
Mulandu nshi tushilingile ukulekela incito yalamoneka kwati yalicindama sana ukucila ukubombela Lesa?
-
AMALYASHI YA MU BAIBO AYO TWINGASAMBILILAKO:
-
Lk 12:15-21—Yesu alilandile icilangililo pa kuti atusambilishe ukuti nga tulemona incito ukuti yalicindama sana ukucila ukuba ifibusa na Lesa, buwelewele
-
1Ti 6:17-19—Umutumwa Paulo aebele Abena Kristu abali abakankaala ukuti tabalingile ukulaimona ukuti balicindeme ukucila bambi, kabili abakoseleshe ukuti “balebomba sana imilimo iisuma”
-
Mashinte nshi aya mafunde ayengatwafwa ilyo tulesala incito twingengila?
-
Ukf 20:4; Imi 15:29; Ef 4:28; Uks 21:8—Bushe iyi ncito ikalenga nkalecita ne fyo Lesa apata?
-
Ukf 21:22-24; Es 2:4; 1Ko 6:9, 10; 2Ko 7:1—Bushe iyi ncito ilalenga abantu balacita ifyo Lesa apata ifingalenga kampingu yandi yalancusha?
-
Ro 13:1-7; Tt 3:1, 2—Bushe iyi ncito ikalenga nkaletoba amafunde ya buteko?
-
2Ko 6:14-16; Uks 18:2, 4—Bushe iyi ncito ikalenga nkaletungilila ukupepa kwa bufi?
Ukubombela Yehova
Mulimo nshi uwacindama uo Abena Kristu bengabomba?
Mulandu nshi tufwaila ukubombesesha ilyo tulebombela Yehova?
Lk 13:24; Ro 12:11; 1Ko 15:58; He 6:10-12
Moneni na 1Ti 3:1
Mulandu nshi uo tushilingile ukulalinganishisha ifyo Abena Kristu bamo babombela Yehova ku fyo bambi bamubombela?
-
AMALYASHI YA MU BAIBO AYO TWINGASAMBILILAKO:
-
Mt 25:14, 15—Icilangililo Yesu alandile citusambilisha ukuti tenekela abasambi bakwe bonse ukubomba fimo fine
-
Lk 21:2-4—Yesu alimwene ifyo ubupe mukamfwilwa apeele bwacindeme, nangu ca kuti bwali ubunono sana
-
Nani atupeela amaka ya kubomba umulimo batupeela mu cilonganino ca kwa Yehova?
2Ko 4:7; Ef 3:20, 21; Flp 4:13
-
AMALYASHI YA MU BAIBO AYO TWINGASAMBILILAKO:
-
2Ti 4:17—Umutumwa Paulo alimwene ukuti balemupeela amaka alekabila pa nshita aleyakabila
-
Mulandu nshi tubela ne nsansa nga tulebombesha ilyo tulebombela Yehova?
Moneni na Mt 25:23