Kampingu
Finshi filanga ukuti Yehova alipeela abantu bonse kampingu?
Moneni na 2Ko 4:2
Finshi fingacitika kuli kampingu umuntu nga taleleka ukucita ifyabipa?
Bushe umuntu afwile ukupelela fye pa kulamona ukuti ifyo acita filaba fye bwino?
-
AMALYASHI YA MU BAIBO AYO TWINGASAMBILILAKO:
-
2Im 18:1-3; 19:1, 2—Yehova alifuliilwe Imfumu Yehoshafati pantu yalyafwile Imfumu Ahabu iyalecita ifyabipa
-
Imil. 22:19, 20; 26:9-11—Umutumwa Paulo alilondolwele ukuti kale aletontonkanya ukuti cali fye bwino filya alecusha Abena Kristu no kubepaya
-
Kuti twacita shani pa kuti tusambilishe bwino kampingu?
-
AMALYASHI YA MU BAIBO AYO TWINGASAMBILILAKO:
-
1Sa 24:2-7—Kampingu ya Mfumu Davidi yalengele ilecindika Imfumu Shauli iyo Yehova asontele
-
Bushe abantu ababembu kuti bacita shani pa kuti Lesa alemona ukuti kampingu yabo yalisanguluka?
Ef 1:7; He 9:14; 1Pe 3:21; 1Yo 1:7, 9; 2:1, 2
Moneni na Uks 1:5
-
AMALYASHI YA MU BAIBO AYO TWINGASAMBILILAKO:
-
Es 6:1-8—Yehova aebele Kasesema Esaya ukuti imembu shakwe kuti shaelelwa
-
Uks 7:9-14—Yehova amona ababa mwi bumba likalamba ukuti balisanguluka pa mulandu wa maka ilambo lya kwa Kristu lyakwata
-
Cinshi tushilingile ukusuulila ifyo kampingu iyo twasambilisha ifyaba mu Cebo ca kwa Lesa iletweba?
Imi 24:15, 16; 1Ti 1:5, 6, 19; 1Pe 3:16
Moneni na Ro 13:5
-
AMALYASHI YA MU BAIBO AYO TWINGASAMBILILAKO:
-
Ukt 2:25; 3:6-13—Adamu na Efa tabakonkele ifyo kampingu yabo yalebeba kabili pa numa balyumfwile ububi pali filya bashaumfwilile Lesa
-
Neh 5:1-13—Nehemia uwali intungulushi alyebele abaYuda banankwe abashalekonka ifyo kampingu yabo yalebeba ukuti baleke ukucita ifyo balecita. Icalengele abebe ni co bale-eba abo balekongwesha ukuti balelundapo indalama ishingi
-
Cinshi tulingile ukubela abacenjela pa kuti twilapunwisha munyina nelyo nkashi uushilasambilisha bwino kampingu yakwe?
Finshi tulingile ukulacita pa kuti kampingu yesu ilebomba bwino?
Nalimo Kuti Mwatemwako ne fi
ABACAICE BEPUSHA UKUTI
Kuti Nasambilisha Shani Kampingu Yandi?
Kampingu yobe e ilanga ifyo waba ne fyo ufwaya ukucita. Bushe kampingu yobe itila waba shani?
ULUPUNGU LWA KWA KALINDA
Ico Cawamina Ukuba Abafumacumi
Ilyashi ililanga ifyo cawamina ukuba abafumacumi.
LOLENI!
Ifyo Baibolo Isambilisha pa Kweshiwa
Nga twacita ifyabipa ilyo twaeshiwa kuti twalenga icupo cesu caba mu bwafya, kuti twalwala, kabili kampingu kuti iletucusha sana. Finshi twingacita pa kuti tatubembwike nga twaeshiwa?
ULUPUNGU LWA KWA KALINDA
Nalemona Kwati Ifyo Nalecita Fyali fye Bwino
Ba Pawel Pyzara bali ba lukakaala, balebomfya imiti bubi bubi, kabili balesambilila ifya buloya. Bayalwike ilyo babapumine ku bantu 8 abo balelwa nabo.
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
