Ubukote; Abakoloci

TINIKENI

Ubukote; Abakoloci

Finshi ficitika nga twaya tulekota?

Am 71:9; 90:10

Moneni na paleti “Ukusansamusha—Bamo te kuti bacite ifyo balecita kale pa mulandu wa kuti balilwala nelyo nabakula”

AMALYASHI YA MU BAIBO AYO TWINGASAMBILILAKO:
- Lkm 12:1-8—Imfumu Solomone yabomfeshe imishikakulo pa kulanda pa mafya yamo ayo abantu bakwata nga bakota. Yalilandile pa fintu pamo nga ukuleka ukumwenekesha (“abakashana abalengela pa mawindo bakaba na kafifi”) e lyo no kuleka ukumfwikisha (“abana abanakashi bonse bakalaimba mwi shiwi ilinono sana”)

Bushe abakoloci kuti batwalilila ukuba ne nsansa nangu bali na mesho nelyo amafya ayo bakwata pa mulandu wa kuti nabakula?

2Ko 4:16-18; Yak 1:2-4

AMALYASHI YA MU BAIBO AYO TWINGASAMBILILAKO:
- 1Sa 12:2, 23—Ilyo Kasesema Samwele akotele alishibe ifyo cacindama ukutwalilila ukupepelako abantu ba kwa Yehova
- 2Sa 19:31-39—Imfumu Davidi yalitashishe filya Barsilai uwali umukote aitungilile, kabili Barsilai ali uwaicefya pantu alikeene ukuya mu kubombela imfumu ku Yerusalemu pa mulandu wa kuti alikulile
- Am 71:9, 18—Ilyo Imfumu Davidi ya mwene ukuti te kutila itwalilile ukubombela Yehova pa mulandu wa kuti yalikotele, yalombele Yehova ukuti aipeele amaka pa kuti ikasambilisheko aba mu nkulo ikakonkapo pali ena
- Lk 2:36-38—Yehova alipaalile kasesema mwanakashi Ana, uwali mukamfwilwa kabili umukote, pa fyo ali uwa cishinka ilyo alebombela Yehova

Finshi Yehova alanda ifilanga ukuti alibika amano ku bakalamba?

Am 92:12-14; Amp 16:31; 20:29; Es 46:4; Tt 2:2-5

AMALYASHI YA MU BAIBO AYO TWINGASAMBILILAKO:
- Ukt 12:1-4—Ilyo Abrahamu ali ne myaka 75, Yehova alimupeele umulimo kabili amwebele ukufuma mu calo aleikala no kuya ku cifulo cimbi
- Da 10:11, 19; 12:13—Malaika aishile kuli Kasesema Daniele mu kumweba ukuti ali uwacindama kuli Yehova kabili ali no kumulambula pa fyo ali uwa cishinka. Pali iyi inshita ninshi Daniele ali ne myaka ukucila pali 90
- Lk 1:5-13 —Yehova alilengele Sekaria na Elisabete bakwata umwana mu cisungusho, uo bainike ati Yohane, kabili pali iyi inshita ninshi nabakota
- Lk 2:25-35—Yehova alilaile Simeone uwali umukote ukuti ali no kumona umwana uwali no kuba Mesia; Simeone aliseseme pali ena
- Imi 7:23, 30-36—Kasesema Mose ali ne myaka 80 ilyo Yehova amupeele umulimo wa kutungulula abantu bakwe abena Israele

Cinshi tulingile ukulacindikila abakalamba?

Le 19:32; 1Ti 5:1

AMALYASHI YA MU BAIBO AYO TWINGASAMBILILAKO:
- Ukt 45:9-11; 47:12—Yosefe alisendele wishi Yakobo uwali umukote, kabili alemusunga mpaka na lintu afwile
- Ru 1:14-17; 2:2, 17, 18, 23—Ruti aletungilila Naomi uwali umukote mu fyo alecita na mu fyo alelanda
- Yoh 19:26, 27—Ilyo Yesu alefwa pa cimuti aebele umutumwa Yohane uo atemenwe ukuti alesakamana banyina

Finshi twingacita pa kwafwa abakalamba mu cilonganino?

1Ti 5:3-5, 8-10, 16; Yak 2:14-17

Nalimo Kuti Mwatemwako ne fi

ULUPUNGU LWA KWA KALINDA—ULWA KUSAMBILILAMO

Mulebombela Yehova na mu “Nshiku sha Bubi”

Bushe kuti mwatwalilila shani ukuba ne citetekelo icakosa no kulabombesha mu mulimo wa kwa Yehova? Tontonkanyeni pa bakalamba aba ku kale abalebombela Yehova ne nsansa.