Ukuba uwa Kaele
Bushe ukuba uwa kaele kwalola mwi?
Am 18:23-25; 26:1, 2; 101:2-7; 119:1-3, 80
AMALYASHI YA MU BAIBO AYO TWINGASAMBILILAKO:
Le 22:17-22—Yehova aebele abantu bakwe ukuti balingile ukulatuula inama “iyabula akalema.” Ishiwi bapilibula ukuti “iyabula akalema” lyalipalana ne shiwi lya ciHebere ilyo bapilibula ukuti “ukuba uwa kaele.” Kanshi ukuba uwa kaele cipilibula ukulabombela Yehova no mweo wesu onse
Yb 1:1, 4, 5, 8; 2:3—Ifyo Yobo alecita filanga ukutila pa kuti umuntu abe uwa kaele, afwile ukucindika sana Yehova, ukulamupepa no mutima wakwe onse, kabili tafwile ukulacita ifyo Yehova apata
Cinshi tulingile ukubela aba kaele?
Cinshi cingalenga twalafwaisha ukutwalilila ukuba aba kaele?
Moneni na Amp 27:11; 1Yo 5:3
Finshi twingacita pa kuti tube aba kaele na pa kuti tutwalilile ukuba aba kaele?
Moneni na Amg 5:29; Es 48:17, 18
AMALYASHI YA MU BAIBO AYO TWINGASAMBILILAKO:
Yb 31:1-11, 16-33—Ifyo Yobo alecita cila bushiku, e fyalengele abe uwa kaele. Aletaluka ku bulalelale, ali ne cikuuku ku bantu kabili alebacindika. Alepepa fye Yehova, talepepa utulubi, kabili abikile sana amano kuli bucibusa bwakwe na Yehova ukucila ukubika amano ku fyuma
Da 1:6-21—Nangu ca kuti Daniele na banankwe batatu baleikala na bantu abashalepepa Yehova, balitwalilile ukuba aba kaele na lintu balesala ifyo bengalya
Bushe umuntu nga alacita ifyabipa ifingi, kuti aba uwa kaele na kabili?
AMALYASHI YA MU BAIBO AYO TWINGASAMBILILAKO:
1Is 9:2-5; Am 78:70-72—Pa mulandu wa kuti Imfumu Davidi yalilapiile ilyo yacitile imembu, Yehova ali-ibelele uluse kabili alemona Davidi ukuti ali uwa kaele
Es 1:11-18—Nangu ca kuti Yehova alikalipiile abantu bakwe pa fyo bali no bumbimunda na pa membu ishingi isho balecita, abalaile ukutila kuti abasangulula nga ca kuti baleka ukucita ifyabipa kabili balapila
Nalimo Kuti Mwatemwako ne fi
PASHANYENI ICITETEKELO CABO
Yobo—“Nshakaleke Ukuba uwa Kaele!”
Bushe ilyashi lya mu Baibolo ililanda pali Yobo kuti lyatwafwa shani ukushipikisha nga ca kuti ifyabipa fyatucitikila nelyo nga twaba na mafya ayengalenga twaleka ukuba ne citetekelo?
Ifyo Wingasambilila ku Malyashi ya mu Baibolo
Ulubembu Imfumu Davidi Yacitile
Ifyabipa ifyo apingwilepo ukucita fyaliletele amafya ayengi.
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
