Ukufunda
NGA BATUFUNDA
Cinshi tufwile ukulafwaila ukuti Baibo iletufunda?
Am 32:8; Amp 15:22; 19:20; 20:18
Moneni na Amp 11:14; Es 28:29; Ye 32:19
Cinshi tufwile ukumfwila nga batufunda ukucila ukulaipokolola?
Moneni na Amp 1:23-31; 15:31
-
AMALYASHI YA MU BAIBO AYO TWINGASAMBILILAKO:
-
1Sa 15:3, 9-23—Ilyo kasesema Samwele alungike Shauli, ali-ipokolwele kabili alikeene ukumfwa ifyo bamufundile; e ico Yehova alimukeene
-
2Im 25:14-16, 27—Ilyo Imfumu Amasia yabembwike, yalikeene ukumfwa ifyo baifundile kuli kasesema wa kwa Yehova, kabili ici calengele Yehova aleka ukuipaala no kuicingilila
-
Cinshi tufwile ukulacindikila bakangalila abatufunda no kutupandako amano?
1Te 5:12; 1Ti 5:17; He 13:7, 17
-
AMALYASHI YA MU BAIBO AYO TWINGASAMBILILAKO:
-
3Yo 9, 10—Umutumwa Yohane ninshi ali umukalamba, alikalipiile Diotrefe pa fyo ashalecindika abaletungulula mu cilonganino ca Bena Kristu
-
Cinshi tulingile ukulaumfwila abakalamba?
Moneni na Yb 12:12; 32:7; Tt 2:3-5
-
AMALYASHI YA MU BAIBO AYO TWINGASAMBILILAKO:
-
1Sa 23:16-18—Imfumu Davidi yalyumfwile ifyo Yonatani uwaicilileko imyaka nalimo 30 aifundile, kabili ifyo ayebele fyali-ikoseshe
-
1Is 12:1-17—Imfumu Rehoboamu yalikeene ukumfwa ilyo abakalamba baipandileko amano, lelo yaumfwilile ifyabipa ifyo abalumendo bayebele kabili ifyaicitikiile tafyaweme
-
Finshi filanga ukuti abanakashi aba cishinka na babomfi ba kwa Yehova abaice kuti batupandako amano ayasuma?
Yb 32:6, 9, 10; Amp 31:1, 10, 26; Lkm 4:13
Moneni na Am 119:100
-
AMALYASHI YA MU BAIBO AYO TWINGASAMBILILAKO:
-
1Sa 25:14-35—Abigaili alipandileko Imfumu Davidi amano, kabili ifyo aipandileko amano fyalengele abantu abengi bebepaya kabili iba no mulandu wa mulopa
-
2Sa 20:15-22—Abantu abengi mu musumba wa Abele balipuswike pa mulandu ne fyo umwanakashi wa muli uyu musumba abapandileko amano
-
2Is 5:1-14—Umukashana umwina Israele alipandileko amano umushilika wa maka pa fyo ali no kucita pa kuti apole ifibashi
-
Mulandu nshi tushilingile ukulaumfwila ifyo abashicindika Yehova ne Cebo cakwe balanda?
Moneni na Lk 6:39
-
AMALYASHI YA MU BAIBO AYO TWINGASAMBILILAKO:
-
1Im 10:13, 14—Imfumu Shauli yaile mu kwipusha uumfwana ne mipashi, mu cifulo ca kwipusha Yehova kabili ici calengele ifwe
-
2Im 22:2-5, 9—Imfumu Ahasia yalifwile pantu yakonkele ifyabipa ifyo baipandileko amano
-
Yb 21:7, 14-16—Yobo talefwaya ukulatontonkanya nge fyo abantu abashacindike Yehova baletontonkanya
-
IFYO TWINGACITA PA KUFUNDA UMUNTU
Cinshi cawamina ukukutika, ukwishiba ifishinka fyonse no kumfwa kuli bonse abo tufwile ukufunda ilyo tushilabafunda?
Moneni na Amp 25:8
-
AMALYASHI YA MU BAIBO AYO TWINGASAMBILILAKO:
-
1Sa 1:9-16—Shimapepo Mukalamba Eli afundile Hana bukali bukali ilyo ashilaishiba ifishinka fyonse, alemona kwati uyu umwanakashi uwali ne citetekelo alikolelwe
-
Mt 16:21-23—Umutumwa Petro alikalipiile Yesu, ukwabula ukwishiba ifishinka fyonse. Aebele Yesu ukucita ifyo Satana alefwaya mu cifulo ca kucita ifyo Yehova alefwaya
-
Cinshi tulingile ukupepela kuli Yehova ilyo tushilafunda umuntu?
Am 32:8; 73:23, 24; Amp 3:5, 6
-
AMALYASHI YA MU BAIBO AYO TWINGASAMBILILAKO:
-
Ukf 3:13-18—Kasesema Mose alipwishe Yehova ukuti amwafwe ukwishiba ifyo ali no kula-asuka amepusho abena Israele bali no kulamwipusha
-
1Is 3:5-12—Imfumu Solomone tayaicetekeele, lelo yalombele ukuti Yehova aipeele amano, kabili ici calengele Yehova ayipaale
-
Cinshi tulingile ukulabomfesha Icebo ca kwa Lesa pa kufunda na pa kwasuka abantu?
Am 119:24, 105; Amp 19:21; 2Ti 3:16, 17
Moneni na Amg 17:18-20
-
AMALYASHI YA MU BAIBO AYO TWINGASAMBILILAKO:
-
Mt 4:1-11—Yesu talebomfya amano yakwe pa kwasuka Satana ilyo alemutunka, lelo alebomfya Icebo ca kwa Lesa
-
Yoh 12:49, 50—Yesu alandile ukuti fyonse ifyo alesambilisha ni Wishi amusambilishe. Tufwile ukulamupashanya
-
Cinshi tulingile ukubela abanakilila ilyo tulefunda umuntu kabili cinshi limo tulingile ukutashisha umuntu pali fimo ifyo acita ilyo tushilamufunda?
Moneni na Es 9:6; 42:1-3; Mt 11:28, 29
-
AMALYASHI YA MU BAIBO AYO TWINGASAMBILILAKO:
-
2Im 19:2, 3—Yehova alitumine kasesema ukuyalungika Imfumu Yehoshafati, lelo ali-itashishe na pa fisuma ifyo yacitile
-
Uks 2:1-4, 8, 9, 12-14, 18-20—Yesu alitashishe aba mu filonganino ifyalekanalekana ilyo ashilabafunda
-
Nga ca kuti uwa bwananyina ailishanya kuli ifwe pa fyo uwa bwananyina umbi amucenjeshe nelyo pa fyo alemwamba, cinshi tulingile ukumwebela ukuti afwile ukuya kuli uyo uwa bwananyina pa kuti bengalanshanya ninshi bali fye babili?
Moneni na Le 19:17
Kuti twakoselesha shani Umwina Kristu uo bakalifye pa kuti abe no luse, atekanye kabili eleele abamukalifye?
Mt 18:21, 22; Mko 11:25; Lk 6:36; Ef 4:32; Ko 3:13
Moneni na Mt 6:14; 1Ko 6:1-8; 1Pe 3:8, 9
-
AMALYASHI YA MU BAIBO AYO TWINGASAMBILILAKO:
-
Mt 18:23-35—Yesu alibomfeshe icilangililo icisuma pa kulondolola ico tulingile ukulaelela abatulufyanya
-
Cinshi tufwile ukubela abashipa ilyo tulelungika umuntu?
Am 141:5; Amp 17:10; 2Ko 7:8-11
-
AMALYASHI YA MU BAIBO AYO TWINGASAMBILILAKO:
-
1Sa 15:23-29—Kasesema Samwele tatiinine ukulungika Imfumu Shauli
-
1Is 22:19-28—Nangu ca kuti Kasesema Mikaya balimutiinishe kabili balimuumine, alisokele Imfumu Ahabu
-
Finshi twingacita pa kuti tulungike umuntu ukwabula ukumufuupula ica kuti aleka no kucita ifya kwa Lesa?
-
AMALYASHI YA MU BAIBO AYO TWINGASAMBILILAKO:
-
Lk 22:31-34—Yesu alicetekele ukuti nangu ca kuti umutumwa Petro alicitile ifilubo ifikalamba, akalakoselesha Abena Kristu banankwe
-
Flm 21—Umutumwa Paulo alicetekele ukuti Filemone akakonka ifyo akamweba ifyalingana no kufwaya kwa kwa Lesa
-
Kuti twacita shani pa kuti tube ne cikuuku pa kufunda abasakamikwe nelyo abali no bulanda?
Finshi tulingile ukucita pa kulanga uubembwike ukuti ico tulefwaisha kumwafwa pa kuti abe cibusa wa kwa Lesa na kabili?
Kuti twalanga shani ukuti natucindika abo tulefunda nampo nga baice, bakalamba, baume nelyo banakashi?
Cinshi baeluda balingile ukufundila uwa bwananyina ukwabula ukumupita mu mbali nga ca kuti ilingi line alakaana ukumufunda?
Nalimo Kuti Mwatemwako ne fi
PASHANYENI ICITETEKELO CABO
Ali Uwacenjela
Finshi twingasambilila ku fyo Abigaili acitile lintu ali na macushi mu cupo?
Ifyo Wingasambilila ku Malyashi ya mu Baibolo
Umushilika no Mukashana Umunono
Umukashana umwina Israele aleeba muka Namaani pa fyo Yehova akwatisha amaka ica kutila kuti aposha umwina mwakwe.
PASHANYENI ICITETEKELO CABO
Petro Atwalilile Ukuba ne Cishinka na Lintu Aeshiwe
Bushe ukuba ne citetekelo e lyo ne cishinka fyayafwile shani Petro ukupokelela ukufunda ilyo Yesu amulungike?
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
