Ukupepela Pamo ne Mipepele Imbi
Bushe aba mu mipepele yonse bapepa Lesa umo wine?
Bushe imipepele yonse iisambilisha ifyapusana ilalenga Yehova alasekelela?
Mt 7:13, 14; Yoh 17:3; Ef 4:4-6
-
AMALYASHI YA MU BAIBO AYO TWINGASAMBILILAKO:
-
Yos 24:15—Yoshua aebele abena Israele ukuti basalepo, nampo nga kulapepa Yehova nelyo balesa bambi
-
1Is 18:19-40—Yehova abomfeshe kasesema Eliya pa kweba abantu bakwe ukuti tabafwile ukulapepa balesa bambi, pamo nga Baali
-
Bushe Yehova omfwa shani pali balesa ba nko na pa fyo babapepa?
Bushe Yehova omfwa shani nga ca kuti abantu abalanda ukuti balamupepa balecita ne fyo apata?
Es 1:13-15; 1Ko 10:20-22; 2Ko 6:14, 15, 17
-
AMALYASHI YA MU BAIBO AYO TWINGASAMBILILAKO:
-
Ukf 32:1-10—Aarone alipangile icimpashanya ca mwana wa ng’ombe pa mulandu wa kuti abena Israele balimupatikishe, kabili umutebeto bapangiile ici icimpashanya balewita ukuti “umutebeto wa kwa Yehova.” Ifi bacitile fyalengele Yehova akalipe nga nshi
-
1Is 12:26-30—Imfumu Yeroboamu yalipangile ifilubi pa kuti ikaanye abantu ukulaya mu kupepela pe tempele ilyali mu Yerusalemu. Iyi mfumu yalelanda ukuti ifilubi yapangile fyaleimininako Yehova. Ifi yacitile fyalengele abantu babembukila Yehova
-
Finshi Yehova aebele abena Israele pa kupepela pamo na balepepa balesa bambi?
Bushe Yehova acitile shani ilyo abantu bakwe batendeke ukupepa balesa bambi?
Aba 10:6, 7; Am 106:35-40; Ye 44:2, 3
-
AMALYASHI YA MU BAIBO AYO TWINGASAMBILILAKO:
-
1Is 11:1-9—Abanakashi abena fyalo abo Solomone aupile, balengele ena na bantu aleteka balapepa balesa bambi. Ici calengele Yehova akalipe
-
Am 78:40, 41, 55-62—Asafi alilondolwele ifyo abena Israele bapondokeele Yehova ne fyo bamukalifye pa mulandu wa kuti balepepa ifilubi, kabili ici calengele abakaane
-
Bushe Yesu aletungilila ifisambilisho ifyapusene ne fyo Icebo ca kwa Lesa cilanda?
-
AMALYASHI YA MU BAIBO AYO TWINGASAMBILILAKO:
-
Mt 16:6, 12—Yesu alingenye ifyo abaFarise na baSaduke balesambilisha ku citutumushi, pantu ifisambilisho fya bufi filasalangana bwangu kabili filalenga abantu bafilwa ukwishiba icine ico Baibo isambilisha
-
Mt 23:5-7, 23-33—Yesu alisuushishe abaFarise na bakalemba pa fyo bali no bumbimunda na pa fyo balesambilisha ifya bufi
-
Mko 7:5-9—Yesu alisuushishe bakalemba na baFarise pa fyo balecindikisha intambi ukucila ifyaba mu Cebo ca kwa Lesa
-
Bushe Yesu alekoselesha abasambi bakwe ukulapanga utumabumba twa mapepo?
-
AMALYASHI YA MU BAIBO AYO TWINGASAMBILILAKO:
-
Yoh 15:4, 5—Yesu alilandile icilangililo ca mwangashi pa kulangilila ifyo abasambi bakwe balingile ukutwalilila ukuba abaikatana na ena e lyo na Bena Kristu banabo
-
Yoh 17:1, 6, 11, 20-23—Ilyo Yesu ali na basambi bakwe mu nshita ya bushiku ilyo bashilamwipaya, alipepeleko abasambi bakwe aba cine ukuti bakabe abaikatana
-
Bushe abali mu filonganino fyonse ifya Bena Kristu mu nshita ya batumwa, basumiine muli fimo fine kabili balecita fimo fine pa kupepa Yehova?
-
AMALYASHI YA MU BAIBO AYO TWINGASAMBILILAKO:
-
Imi 11:20-23, 25, 26—Abali mu filonganino fyali mu Antioke na mu Yerusalemu balecita ifyalelanga ukuti balikatene kabili balebombela pamo
-
Ro 15:25, 26; 2Ko 8:1-7—Abengi abali mu filonganino ifyalekanalekana mu nshita ya batumwa balesangula ifya kwafwilishako bamunyinabo. Ifi balecita fyalelanga ukuti ukutemwa kulalenga aba mu filonganino baikatana
-
Bushe Lesa alitemwa imipepele yonse iilanda ukuti yalisumina muli Kristu?
Nga ca kuti abantu tabalekonka ifyo Kristu na batumwa balesambilisha, bushe Lesa kuti apokelela ukupepa kwabo?
-
AMALYASHI YA MU BAIBO AYO TWINGASAMBILILAKO:
-
Mt 13:24-30, 36-43—Yesu alandile ukuti nga filya ifyani fimena mwi bala, Abena Kristu ba bufi bakesa mu cilonganino
-
1Yo 2:18, 19—Ilyo umutumwa Yohane akotele, alandile ukuti ilyo papitile imyaka nalimo 100 kwali bamukaanya Kristu abengi
-
Finshi fingacitika nga kuti abasambilisha ifya bufi na bacita ifyabipa babaleka mu cilonganino?
Finshi Abena Kristu balingile ukulacita pa kuti batwalilile ukuba abaikatana?
Cinshi Abena Kristu balingile ukutalukila ukupepa kwa bufi?
Mulandu nshi tulingile ukulengela abantu baishiba ifisambilisho fya bufi ifyo aba mu mipepele basambilisha?
Cinshi tushilingile ukupapila aba mu mipepele nga balasansa no kucusha ababa mu kupepa kwasanguluka?
Nalimo Kuti Mwatemwako ne fi
ULUPUNGU LWA KWA KALINDA
Bushe Lesa Amona Shani Abapepela Pamo?
Finshi filenga abantu ukwikatana? Mwalatemwa ukumfwa ifyo Baibolo ilanda.
AMASUKO KU MEPUSHO YA MU BAIBOLO
Bushe Imipepele Yonse Yaba Fye Cimo Cine? Bushe Yonse Ilalenga Twapalama Kuli Lesa?
Ifintu fibili ifyo Baibolo yalandapo ifyasuka icipusho.
Ifyo Wingasambilila ku Malyashi ya mu Baibolo
Ubufumu Babwakanya
Abena Israele abengi balilekele ukupepa Yehova.
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
