Ukushipikisha
Bushe ababomfi ba kwa Yehova balingile ukulashipikisha?
Mulandu nshi tulingile ukwenekela ukuti nga tulebila imbila nsuma abantu bamo tabakulafwaya ukumfwa e lyo bambi bakulatulwisha?
Mt 10:22; Yoh 15:18, 19; 2Ko 6:4, 5
-
AMALYASHI YA MU BAIBO AYO TWINGASAMBILILAKO:
-
2Pe 2:5; Ukt 7:23; Mt 24:37-39—Nangu ca kuti Noa ‘aleshimikila abantu pa fyalungama,’ abengi tabalekutika, kabili ena no lupwa lwakwe e bapuswike fye Ilyeshi
-
2Ti 3:10-14—Umutumwa Paulo alilandile pa fyo aleshipikisha ilyo alekoselesha Timote ukuti aleshipikisha
-
Cinshi twingenekelela ukuti na balupwa lwesu kuti balatulwisha?
Mt 10:22, 36-38; Lk 21:16-19
-
AMALYASHI YA MU BAIBO AYO TWINGASAMBILILAKO:
-
Ukt 4:3-11; 1Yo 3:11, 12—Apo Kaini alecita ifyabipa, alipeye ndume nankwe Abele pa mulandu wa kuti alecita ifyalungama
-
Ukt 37:5-8, 18-28—Abakalamba ba kwa Yosefe balimwimiine no kumushitisha mu busha. Cimo icalengele bacite ifi, ni co alibebeleko iciloto alootele icafumine kuli Yehova
-
Cinshi tushilingile ukutiinina ukufwa nga baletucusha?
Moneni na Uks 2:10
-
AMALYASHI YA MU BAIBO AYO TWINGASAMBILILAKO:
-
Da 3:1-6, 13-18—Shadraki, Meshaki na Abednego basalilepo ukufwa ukucila ukupepa icimpashanya
-
Imi 5:27-29, 33, 40-42 —Nangu ca kuti abatumwa balebatiinya ukuti balabepaya, balitwalilile ukubila imbila nsuma kabili baleshipikisha
-
Finshi fingalenga twatwalilila ukuba aba cishinka kuli Yehova nangu batusalapula?
-
AMALYASHI YA MU BAIBO AYO TWINGASAMBILILAKO:
-
Imp 20:9-12; Amg 3:23-28; 31:7, 8—Nangu ca kuti kasesema Mose alyumfwile ububi ilyo Yehova amusalapwile, alitwalilile ukumubombela mpaka ne mfwa
-
2Is 20:12-18; 2Im 32:24-26—Ilyo Imfumu Hisekia yalufyenye, bali-ikalipiile, lelo yali-icefeshe kabili yalitwalilile ukuba iya cishinka
-
Mulandu nshi nalimo cingatukosela ukutwalilila ukuba aba cishinka nga ca kuti umo mu cilonganino aleka ukubombela Yehova?
-
AMALYASHI YA MU BAIBO AYO TWINGASAMBILILAKO:
-
Am 73:2-24—Ilyo uwaimbile amalumbo amwene ifyo abalecita ifyabipa bali no mutende kabili ifintu filebendela bwino, amwene kwati aleicusha fye filya alebombela Yehova
-
Yoh 6:60-62, 66-68—Nangu ca kuti abengi balilekele ukukonka Yesu, Petro ena talekele pantu ali ne citetekelo icakosa
-
Finshi fingalenga twatwalilila ukushipikisha?
Ukutwalilila ukuba ifibusa na Yehova
Ukulaisambilisha Icebo ca kwa Lesa no kulatontonkanya sana pa fyo tuleisambilisha
Ukulapepa lyonse kuli Yehova
-
AMALYASHI YA MU BAIBO AYO TWINGASAMBILILAKO:
-
Da 6:4-11—Kasesema Daniele alitwalilile ukupepa kuli Yehova, nangu ca kuti balefwaya ukumwipailapo
-
Mt 26:36-46; He 5:7—Pa bushiku Yesu balemwipaya mu nshita ya bushiku alipepele sana, kabili alikoseleshe na basambi bakwe ukuti nabo balepepa sana
-
Ukulalongana lyonse pamo na ba bwananyina
Ukutwalilila ukubika amano ku fisuma ifyo Yehova atulaya
Ukutemwa sana Yehova na ba bwananyina e lyo no kutemwa sana ukucita ifyalungama
Ukukosha icitetekelo
Ukutwalilila ukusekelela ilyo tulecula
Fisuma nshi fimo ifingacitika nga tuli ne cishinka ilyo tuleshipikisha?
Yehova Lesa alacindikwa
Amp 27:11; Yoh 15:7, 8; 1Pe 1:6, 7
-
AMALYASHI YA MU BAIBO AYO TWINGASAMBILILAKO:
-
Yb 1:6-12; 2:3-5—Satana alandile ukuti icalengele Yobo atwalilile ukuba uwa kaele ni co Yehova alemucingilila. Lelo filya Yobo ali ne cishinka ilyo aleshipikisha amafya, filanga ukuti ifyo Satana alandile fya bufi
-
Ro 5:19; 1Pe 1:20, 21—Yesu alipuseneko na Adamu uushaumfwilile Lesa, ena ali ne cishinka ilyo aleshipikisha mpaka afwa, kabili ifyo acitile fyalenga ici icipusho icacindama ca-asukwa: Bushe umuntu uwapwililika kuti atwalilila ukuba uwa cishinka kuli Yehova nga akwata ubwesho ubukalamba?
-
Tulakoselesha abanensu ukuti baleshipikisha
Ukushipikisha kulalenga tulebomba bwino umulimo wa kubila imbila nsuma
Yehova alatutemwa kabili alatulambula
Mt 24:13; Lk 21:19; 1Ko 15:58; He 10:36
Moneni na Ro 2:6, 7; Yak 1:12