ICIPUTULWA 10
Fisuma Nshi Abakutika Kuli Lesa Bakapokelela?
Abafwa abengi bakabuuka no kwikala pano pene pe sonde. Imilimo 24:15
Elenganyeni ifisuma ifyo mukaipakisha nga mulekutika kuli Yehova! Mukaba no bumi ubusuma; takuli nangu umo uukalalwala. Tamwakaleikala na bacita ifyabipa, kabili abantu bonse abakabako mukabacetekela.
Takwakabe ifilenga abantu ukumfwa ubukali, ubulanda, nelyo ukulila. Takwabe ukukota no kufwa.
Konse uko mukekala kukaba abantu abamutemwa icine cine. Ubwikalo mu Paradaise bukawama sana.
Takwakabe ifitiinya abantu. Abantu bakakwata insansa sha cine cine.
Ubufumu bwa kwa Lesa bukafumyapo amacushi yonse. Ukusokolola 21:3, 4
Nalimo Kuti Mwatemwako ne fi
AMASAMBILISHO YA MU BAIBO AYACINDAMA
Bushe Ubufumu bwa kwa Lesa ni Cinshi?
Ilyo Yesu ali pano isonde alesambilisha sana pa Bufumu bwa kwa Lesa ukucila pa lyashi ili lyonse. Pa myaka iingi abantu abengi balapepa ukuti ubu Bufumu bwise.
PA NTE SHA KWA YEHOVA
Mulandu Nshi Mulingiile Ukusambilila Baibolo?
Mu Baibolo mwaliba ifyasuko ku mepusho yacindama ayo abantu abengi pano calo bakwata. Bushe na imwe kuti mwatemwa ukusanga amasuko ku mepusho mwakwata?
IFITABO NA MABROSHUWA
Bushe Mutontonkanya Ukuti Ifintu Fikaba Shani ku Ntanshi?
Sambilileni ifintu fibili ifingalenga mwacetekela ukuti ifyo Lesa alaya ukutila ifintu fikawama ku ntanshi fya cine.
