ICIPUTULWA 3
Bushe Imikalile mu Paradaise Yali Shani?
Yehova apeele Adamu na Efa ifisuma ifingi. Ukutendeka 1:28
Yehova abumbile umwanakashi wa ntanshi, Efa, kabili amutwele kuli Adamu ukuti abe umukashi wakwe.—Ukutendeka 2:21, 22.
Yehova ababumbile ne mibili yapwililika na matontonkanyo yapwililika, ukwabula ubwafya ubuli bonse.
Baleikala mwi bala lya Edeni—incende iisuma nga nshi umwali imimana ne fimuti ifitwala ifisabo kabili umwali ne nama.
Yehova alelanda nabo; alebasambilisha. Abakutika ifyo alebeba, bali no kwikala umuyayaya mu Paradaise pano pene pe sonde.
Pa fimuti fyonse ifyo Lesa abapeele, abakeenye fye ukulyako kuli cimo. Ukutendeka 2:16, 17
Malaika umo pali bamalaika ba kwa Lesa apondokele Lesa. Uyu malaika wabipa ni Satana Kaseebanya.
Yehova alangile Adamu na Efa icimuti cimo icaletwala ifisabo mwi bala no kubeba ati nga balyako, bakafwa.
Satana talefwaya Adamu na Efa ukuti baleumfwila Yehova. E ico abomfeshe insoka pa kweba Efa ati nga alyako icisabo ca ku cimuti cilya, takafwe, lelo akaba nga Lesa. Ubo bwali bufi.—Ukutendeka 3:1-5.
Nalimo Kuti Mwatemwako ne fi
AMASAMBILISHO YA MU BAIBO AYACINDAMA
Mulandu Nshi Lesa Apangiile Icalo?
Mu calo mwaliba ifintu ifisuma ifingi. Caba pa ntamfu iyalinga ukufuma ku kasuba, calibeyama bwino sana, kabili tacibutukisha nelyo ukushinguluka panono sana. Cinshi Lesa apangiile isonde ilisuma ifi?
