Satana afwaya mulecita amalele. Abengi balapeela amalambo ku fikolwe nelyo imipashi pa kuicingilila. Icilenga bacite ifi kutiina imipashi. Balafwala ininda minwe nelyo ifikosa ifya malele. Balanwa nelyo ukusuba “umuti” pa mubili untu batunga ukuti walikwata amaka ya malele. Bamo balashiika ifintu fimo mu ng’anda nelyo pa nse ifyo basumina ukuti fyalikwata amaka ya kubacingilila. Bambi balabomfya “umuti” pantu basumina ukuti ulabaletela amashuko mu makwebo no kubalenga bapite pa mashindano ya ku sukulu, nelyo ukukosha icitemwiko ilyo baleishishanya.

Ukuba cibusa wa kwa Yehova e cingamucingilila sana kuli Satana. Yehova Lesa na bamalaika bakwe balikwatisha amaka ukucila Satana ne fibanda fyakwe. (Yakobo 2:19; Ukusokolola 12:9) Yehova afwaisha ukuilango kuti wa maka ku kwafwilisha ifibusa fyakwe ifya cishinka kuli wene.—2 Imilandu 16:9.

Icebo ca kwa Lesa citila: “Mwilacita amalele.” Yehova alikaanya ukucita amalele no buloshi pantu ifi fintu kuti fyalalenga umuntu ukulatungululwa mu kulungatika na Satana Kaseebanya.—Ubwina Lebi 19:26, NW.