Umuntu nga alefwaya ukwishiba fimo nelyo nga atwipusha icipusho, tulatemwa ukutwalilila ukulanshanya nakwe. Tufwaya ukulanda na bantu ababa ‘no mutima uusuma uufwaya umweo wa muyayaya.’—Imil. 13:48.

Nomba kuti twacita shani nga twamona ukuti umuntu talefwaya ukulanda na ifwe, nelyo alefwaya fye ukuti tutendeke ukuumana? Tulingile ukucenjela no kuba ne cikuuku pa kuleka ukulanshanya nankwe. (Amapi. 17:14) Muleba no mucinshi ne cikuuku ilyo muleleka ukulanshanya no muntu pa kuti takeene ukwisalanshanya na imwe ku ntanshi.—1 Pet. 2:12.