NGA MWABWELELAKO
ISAMBILILO 7
Ukukananenuka
Ishinte lye funde: “Balesambilisha no kubila imbila nsuma pali Kristu Yesu ukwabula ukuleka.”—Imil. 5:42.
Ifyo Paulo Acitile
1. Tambeni VIDIO, nelyo belengeni Imilimo 19:8-10. Lyena lanshanyeni amepusho yakonkapo:
Finshi Tulesambilila Kuli Paulo?
2. Tulingile ukulakwata inshita ya kubwelela ku bantu abalefwaya ukukutika e lyo no kutendeka amasambililo ya Baibo.
Mulepashanya Paulo
3. Mulebwelela ku bantu pa nshita iyo bengatemwa. Yipusheni amuti: ‘Ni lilali ningakumanisha ukulanshanya nabo? Ni lilali bakwata inshita iyo twingalanshanya bwino?’ Mule-esha na maka ukubwelelako nangu ca kuti inshita umuntu alefwaya tamuitemenwe.
4. Mulebebela limo ilyo mukalanshanya. Lyonse ilyo mwapwisha ukulanshanya, mulepangana ilyo mukabwelelako na kabili. Mulekonka ifyo mwalanshanya.
5. Muleba ne subilo. Mwilamona kwati umuntu nga tasangwa pa ng’anda ilingi line ninshi talefwaya ukusambilila. (1 Kor. 13:4, 7) Muletwalilila ukuyako, lelo mulebomfya bwino inshita.—1 Kor. 9:26.
