BAKAPYUNGA Umulimo uo bakapyunga bapeelwa wa kumwafwilisha. Mukwai mulebomfwila nga bamulanga ukwa kwimika imyotoka, ukwa kwingilila no kufumina, no kumweba pa fya kusungila bambi ifipuna na pa fintu fimbi.

ULUBATISHO Abalebatishiwa bakabasungila ifipuna ku ntanshi mupepi ne cisebele, kano fye nga nabapekanya kumbi ukwa kwikala. Pa bushiku bwalenga shibili ulucelo, bonse abalebatishiwa balingile ukwikala pali ifi fipuna kabili bafwile ukwisa ne taulo e lyo ne fya kufwala ifya mucinshi pa kubatishiwa.

IMISANGULO Pa kuti ukulongana kutwafwe ukupalama kuli Yehova na pa kuti tulongane bwino, indalama ishingi shilabomfiwa ku kuteyanya apa kulonganina, ifisoselo, ifya kubomfya pa kutamba amavidio na fimbi ififwaikwa. Imisangulo yenu iya kuitemenwa ilabomfiwa kuli ifi ififwaikwa no kwafwilisha umulimo wa mwi sonde lyonse. Pa kuti cimwangukile ukusangwilako, utubokoshi twa misangulo utwalembwapo bwino natubikwa mu cifulo ca kulonganinapo conse. Na kabili kuti mwasangwilako ukubomfya intaneti pa donate.pr418.com. Tulatasha nga nshi pa misangulo yonse, kabili Ibumba Litungulula lilemutasha pa fyo musangwilako ku kwafwilisha umulimo wa Bufumu.

FIRST AID Iyi dipartimenti yabelako ukundapa abaicena nangu abalwalila pa kulongana pene.

IFYALUBA NO KWA KUFISANGA Mulingile ukutwala fyonse ifyo mwatoola ku Dipartimenti ya Fileluba. Nga namulufya icintu, kabiyeni kuli iyi dipartimenti, no kuyamona nga e ko cili. Abana abaluba ukuli abafyashi babo balingile ukubatwala kuli iyi dipartimenti. Na lyo line, iyi dipartimenti te ya kusungilako abana. Twapaapaata mulebika amano ku bana benu no kulaba nabo lyonse.

APA KWIKALA Twapaapaata mulelangulukilako abanenu. Muleibukisha ukuti abo mufwile fye ukusungila ifipuna, bantu mwendele nabo mu motoka, nelyo abo mwikala nabo ing’anda imo, nangu abo musambilila nabo Baibolo. Twapaapaata mwilabika ifipe pa fipuna ifyo mushileikalapo.

UMULIMO WA KUITEMENWA Nga mulefwaya ukubombako umulimo pa kulongana, mukwai kuti mwaya kuli iyi dipartimenti pa kuti bamweba uko mwingafwilisha.

Isukulu lya Bakabila ba Bufumu Bapainiya abali ne myaka 23 ukufika kuli 65 abalefwaya ukulabomba sana umulimo wa kushimikila, kuti bayasangwa ku kukumana kwa balefwaya ukuya kwi Isukulu lya Bakabila ba Bufumu, ukukabako pa bushiku bwalenga shitatu. Bakabilisha inshita ne cifulo ca kukumaninako.