ISAMBILILO 16
Mulelanda Ifisuma Kabili Ifingakoselesha Abantu
Yobo 16:5
IFILI MULI ILI ISAMBILILO: Mwilabika amano ku mafya, lelo mulebika amano ku fingayapwisha e lyo na ku fingakoselesha abalekutika.
IFYO MUFWILE UKUCITA:
-
Muletontonkanya ifisuma pa balekutika. Mulecetekela ukuti aba bwananyina balafwaya ukucita ifingalenga Yehova asekelela. Na lintu mulingile ukubalungika, mufwile ukubalilapo ukubatasha pa fisuma ifyo bacita.
-
Mwilalanda sana pa fyabipa. Mulelanda fye pa fyabipa nga mulefwaya abalekutika basambilileko fimo. Ilyo mulelanda ilyashi mufwile ukulanda sana pa fisuma.
-
Mulebomfya sana Icebo ca kwa Lesa. Abalekutika bafwile bamona ifyo Yehova acita, ifyo alecita pali ino nshita, e lyo ne fyo akacitila abantu ku ntanshi. Mulekoselesha abalekutika.
